آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
29-05-2022, 08:22 AM
|
#36697 | |
أبعد قريب
|
صبـــاح الخيـــر و الرضــا من رب العــالميـــن صـح بـدنكــم و صـحـت السنتكــم جميعــا و من جديــدي قبـل يـوميــن كتبت 🌹🌹🌹 الظاهر اني الوحيــد فـ عالم العـنكبـوت اللي تحـوَّل فريســه و ما غدى فـارس الكل جمَّـع رصيــد و صاد بنت البنـوت الكل يسكـن بـ قصـر و حـط له حـارس النت أصبـح مجـال مقـامــرة بنـكنــوت فيـه البشـر سلعــه و فيـه العَلَـم نـاكس فيه الكـذب والريـآء و فيه هدم البيـوت فيـه الظبـاء الــدُّمَـى و ايقونتــه نـامس 🦅 هالايقونــه مجرد وناسـه مالها دخل في النص 😉 وسلامتكم |
|
|
|
29-05-2022, 11:10 AM
|
#36698 | |
  حزب الرعد
|
صبآح الخير والمسرآت
وهلا بكم الجد والحفيد وشاعرتنا المبدعه والجميله رحووله وخيالنااا منوورين وصحت الالسن والاذوآق ودآم حضوركم الجميل وابدآعكم |
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك
|
|
29-05-2022, 11:15 AM
|
#36699 | |
حزب الرعد
|
اهدآء للجميع
بعض البشريطلع على قمة الذوووق ابداااااع مايكتب وحتى حضوره حرفه ذهب غالي اليا طب بالسوق وجاب الدرر النادرة من بحوره متميز .وراقي على كل مخلوق مثل ،،،،القمر لاطل حزت ظهوره غطى الكواكب كلها وعتلى فوق زااح ....الظلام وزين الليل نوره |
|
|
التعديل الأخير تم بواسطة الجووهره ; 29-05-2022 الساعة 11:17 AM
|
|
29-05-2022, 12:23 PM
|
#36700 | |
حزب العاصفه
|
يامراحب بالجميع
اهلا يالصقري ابيات رائعه ومعبره لكن عندنا مثل ويمكن يكون عند الجميع ليا بغوا يواسون احد قالوا (اللي عليك راسه على الناس رجليه) يقصدون انك ما انت الوحيد وغيرك واجد اللي يعانون ههههه ارحبي يالجوهره وحييتي رائعه الابيات واشكرك على الهديه نيابةً عن الجميع ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ يالهجس ما عاد العصافير يمك على غناهم كوشت شاعرة نجد يمكن تلد الورق بالعين يمك ويشاركنك بالصدى لو على كمد لهن ازعج الاصوات في ملي فمك وان كان قفن /أووم في مشلحك وإعد واصبر ولا تنفض من الورق كمك بشوف الرواعب كحِّل عيونك الرمد خله عوض عن من بفرقاه سمك لو قتلته من دون نيه شبه عمد لك عام يطلقك الحنين ويخمك وتلعب بك الاشواق ويعلك البعد ــــــــــــــــــــــــــــــــــــــوبس/ ما بغت تنتهي هههههههههه |
|
|
|
29-05-2022, 01:30 PM
|
#36701 | |
|
ظهر الخير (:
البقى يا ابو عبيد وصح لسانك لين ترضى الصقري صح لسانك شاعرنا مدد ارحبي شاعرتنا وصح لسانتس حبيبتي جوجي ارحبي يالبى الطله وصح ذوقتس مشكوره على الاهداء (: (: ———————————————————- بصيص نور الأمل ورى ستار الطموح ودونة ظروف الليالي ثانيه ساقها احاول اصافح يمين الفرص لاتروح وتْمُر قدّام عيني ماقدر عناقها أخذت صبر المثابر واجتهاد اللحوح ومعزةٍ ماتهون الا لخلاّقها نواجه إللي نواجه والخفا مايبوح لو الليالي ماعاد يذرّي رواقها |
|
|
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل
|
|
29-05-2022, 02:04 PM
|
#36702 | |
|
حزب العاصفه
|
اهلا يارحيل
رائعه جدا هالتسلايه صح ذوقك وبدنك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ يالضيقه اللي على الضحكه تنمرتي ضفي بعضك وتنحي مالك ومالي ان كان كنتي قبل فاليوم قد بنتي زولك لا اشوفه بعد هالكلمه اقبالي ويا سلوة البال شدي العزم لاهنتي لتفريق الاحزان لو منسوبها عالي انتي شقا الروح وحزام الأمان انتي لاتحرقين بلهيب الياس الآامالي |
|
|
|
|
29-05-2022, 05:49 PM
|
#36703 | |
|
يقول الشيخ محمد المهنا كنتُ في أمريكا، مقيماً مع والدتي الكريمة (حصة بنت محمد المهنا) أربعة أشهر أجرت خلالها فحوصات طبية وفي أحد الأيام الربيعية الجميلة أخذتها إلى منطقة (بلس فيردس) من ضواحي مدينة (لوس انجلوس ) وكنت أثناء تجوالنا في تلك الضاحية حيث الخضرة والنضرة والجو الجميل، كنتُ أثني على ما نرى "لأدخل السرور على قلب أمي" فأقول: انظري يا أمي، ما أحسن هذا، وما أجمل ذاك لكنها كانت تقابل كلماتي بصمت غير معتاد ثم لم أشعر إلا وقد أجابتني وقالت :
الزين والله شوف وادي حنيفة مهيب ديرة كيفرانٍ خبيثين أبي ديار أهل الطبوع الظريفة اللي على طبع الأجاويد رابين أهل الكرم وأهل النفوس الشريفة وإذا أذن المذن يقومون عجلين بيوتهم فيها قهاوي وضيفة ويقلّطون الضيف في العسر واللين قصورهم دايم وساعٍ منيفة مهوب كوخٍ فيه كلب وعجوزين عسى ديار العز دايم مريفة اللي هل التوحيد فيها مقيمين ينشي لها نوٍ سريع رفيفة يسقي جميع نخيلها والبساتين ومن البرد زخات ثلج خفيفة تطهر أرض بلادنا للمصلين عساه يسقي جو من مزن صيفه ينشي عليه الغيم مدة سبوعين تسمع لواديهم إذا أقبل وحيفه يسقي المزارع عقب ما همب عطشين ولا زلّ فصل الصيف يمطر خريفه ترعى مواشيهم من العشب فصلين عسى السعودية بعزٍ وكيفة اللي إلا طرّيتها تدمع العين فرقا مرابينا علينا كليفة الله يرجعنا عليها سليمين ودي بفرقا أهل الوجيه المخيفة ناسٍ بوسط السوق يمشون عارين أنذال ما فيهم من الرب خيفة ما عندهم شيمة ولا عندهم دين عبّادة الدنيا ذممهم ضعيفة ويحاربون الدين مثل الشياطين يا شيخ ما عندك علومٍ ظريفة ؟ ما كلموك اللي على الدين ناشين ؟ أهل الشهامة والنفوس العفيفة اللي على ستر المحارم حريصين يا زين صف أهل القلوب النظيفة ويا زين ضجتهم إذا قالوا آمين الصدى : يقول الشاعر حلوان الحلوان من أهالي مدينة أثيثية لما وصلتني القصة والأبيات من ابنها جزاه الله خيراً والبس والدته الكريمة لباس العافية والتقوى أعجبني اسلوبها وموضوعها وما تطرقت له ورددت عليها بهذه الابيات المتواضعة : صح اللسان ودام عز العفيفه عسى العوافي فالها شهور وسنين بنت الاصل فخر الشرف والشريفه حصه محمد المهنا الميامين امّ الرجال وبنت حوّى المنيفه واخت الرجال وعائلتها المسمّين في نظمها شعرٍ بيوته نظيفه لو توّزن ترجح بكل الموازين يومن كلٍ باختياره وكيفه جاريت بدعٍ يعجب الاذن والعين صياغة ذهب في صنعته وتحريفه ما يختلف في جودته راي الاثنين أبياتها فيها مواقف طريفه وفيها قدا للي عن الدرب غادين ومن قولها تبصر قلوبٍ كفيفه وإلا العيون مفتحه شوفها زين الطاعه لمن طاع ربه خفيفه ومن سوفوا هم في الحسابات غلطين وإبليس يجعلها عليهم كليفه واعين للدنيا ولاهم بواعين وإلى وعى الواحد يزيد تحسيفه يدري ان ما باقي علي الأرض حيين اللي يخاف الله مامنه خيفه موحّد مصلي وان نصح نهجه اللين في ما مضى المسلم يجاهد بسيفه تاريخ يشهد والملاحم عناويين واليوم الاعدا أحلاف كل وحليفه وأمّة محمد في الخلافات غرقين غربٍ مخادع وانكشف ستر زيفه ماهمهم لو مات منا ملايين ضعف العرب والمسلمين تعريفه فرّق تسد عمّت بلاد المسلمين والبعد عن طاعة من انزل خليفه في الارض وان ما طاعوالله ذليلين في هالعصر عشنا بإرادة ضعيفه تلقى التنافر حاصلٍ بين الأخوين وتصرفات البعض صارت معيفه تقليدٍ أعمى وموضةٍ فالها شين فكره عساه يعود عقب النكيفه ويالله يامعبود تنصر هل الدين |
|
|
الخط يبقى زمنا بعد كاتبه ،،، وصاحب الخط تحت الأرض مدفون
|
|
30-05-2022, 11:00 AM
|
#36704 | |
|
حزب العاصفه
|
يقولون ريِّح قلت وشلون انا ابا ارتاح
وهو يعترض لي طيفها وين ما اوجه ان له قلت رح تعبان جاء/ وان بغيته راح ولي قول احبك حطها للمجي حجه ولا حصلت من حبه سوى بهذله وجراح وشل وحط وآخر كل هذا الشقا دجه من اتغيب عين السمس لين السفر ينباح وفكري تصارع به طواريه وترجه اقفِّل زرافيل الفكر وارمي المفتاح بقاع البحر والذاكره تسبح اللجه لو انه بقاع البحر الاحمر تشوفه طاح تجيبه وتفتح باب الافكار واتهجه وانا اليوم ادور للسلامه بدون ارباح لو في راس مالي وسط سوقه حصل شجه |
|
|
|
|
«
الموضوع السابق
|
الموضوع التالي
»
العرض العادي
|
|
