مافات مات امثال للي يقولون=وما قبل عيد الفطر يالقرم لاغي
والوقت كلٍ عارفه غير ما مون=قلت بسجن غشام يسلم دماغي
وابن سهل ياهو بعد جاب له لون=له ٍمن طرب ورقا الحمامه تناغي
قافٍ قريت بخافقي زلزل ركون=شوقٍ طغاه وجاب له قاف طاغي
لامس شغافه ويتسلسل على الهون=تبغى الشعر لو كنت له ما انت باغي

ياغشام في عودك غدت وجنة المجمول=وقسم ما تبقى في شفاياه وعيونه
ترا اللي تشوفه هيكل مجملٍ بهمول=وعلى ما بقى الوجنات ماهي بمامونه
مربوعٍ قوامه لا قصير ولامن طول=محياه يشبه لون وجه القمر لونه
سجنتك وانا ما احطت بالخافي المجهول=وتحسفت والاريا طفيقه ومجنونه
لو اني دريت انه زميلٍ لهولمت كول=يمديه اقرح المزلاج بالباب من دونه