آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
25-03-2021, 02:42 AM
|
#33977 | |
 
|
 ياحلم وين المشكله لو تحققت ماهو سؤال وماطلبت الأجابه ياكود شطر وعند حرفه توقفت واقف وفي عيني ذهول وغرابه انا اشهد انك مع فؤادي تناسبت كلك شموخ وفوق هذا مهابه ولاجيت افكر كيف ياحلم انا كنت يطري علي اللي مطول غيابه وشلون كنت احلم ولا يوم فكرت ان العطش مايتفق مع سرابه بعيد حتى لو معى الوقت انا صرت اقرب لجسمه من بقايا ثيابه اقدر اقول اني بحبه تنازلت خله يدور من يقدر عتابه ولو صار يوم وعن قراري تراجعت ارجوك خل العقل يفقد صوابه عشان لو ياحلم جيت وتحققت تلقى فؤادي مندفن في ترابه |
|
الخط يبقى زمنا بعد كاتبه ،،، وصاحب الخط تحت الأرض مدفون 
|
|
25-03-2021, 08:54 AM
|
#33978 | |
  حزب الرعد
|
اقتباس:
المشاركة الأصلية كتبت بواسطة شاعرة نجد
ياحلم كم ضاعت منَ سْنين وايام وانا انتظر ولاتحققت ياحلم الحال مثله قبل واليوم والعام عيت تجي عـ الكيف مدري وش العلم نجري ورى الايام ونْقول قدام حياتنا قصه وانا نجمة الفلم البُعد والحرمان في حكم الاسلام ياشيخ وش فرقه عن الجرم والظلم؟ هلا بك شآعرتنا المبدعه نورتي بعد الغيبه وعودا حميدا وصح لسآنك مليوون على الأبيآت الجميله والكلمآت العذبه |
|
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك
|
|
25-03-2021, 09:01 AM
|
#33980 | |
حزب الرعد
|
شمس الصباح اشرقت والليل ولى وراح
وحل في الكون نور الشمس بعد الظلام سلام للطيبين واطيب تحايا الصباح تحيه انردها ،،،،، قدام نبدا الكلام وبعدها يا الله ارشدنا لدرب الفلاح واجعل لنا صالح الاعمال غاية مرام |
|
|
|
|
25-03-2021, 11:55 AM
|
#33981 | |
حزب العاصفه
|
اهلا بالجميع
حيا الله شاعرتنا/يالروعة الدرر التي الجمتنا عن العتاب بسبب طول الغياب الترحيب موصول للخيال والجوهره ورحيل وحضورهم الجميل |
|
|
|
25-03-2021, 12:38 PM
|
#33982 | |
|
حزب العاصفه
|
ياحلم كم ضاعت من سنين وايام= وانا انتظرك ولا تحققت ياحلم) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ بعد الالف لامٍ وميمٍ بعد لام=كم الف مع ميمٍ ولام ازهقتها الاوله لو طولت نابها سام=ورمت بالأخرى فالبحر واغرقتها لوهي تساوت بالتعدد والانغام=وتخالفت بالرسم فوق ورقتها لاقلت رقت وقلت ذا الليل ابا انام=النوم من هالقاف عاف حدقتها الله يسامح من رسمها بالابهام=مياسم الكي البيوت الحقتها لو وجهته قبله وانا وجهتي شام=من غير مقصود الضلوع احرقتها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ بصراحه قبل هالابيات للشاعره والبارح ابيات جتني ع الواتس من الشقاوي/سلطان مناحي واهسي منخفض منسوبه بالحيل اكتب تشجع فقط وحمسوني ورفوعه منسوب سانزل ابيات ابو زياد وردي عليه/ان شاء الله |
|
|
|
|
25-03-2021, 04:09 PM
|
#33983 | |
|
الله يسعد مساكم
ارحبي يانجد وعليكم السلام ورحمة الله وبركاته عودًا حميدا صح لسانتس شاعرتنا مدد صح لسانك يابو عبيد صح الذوق يا منبع الذو جوجي صح حضورك وذوقك خيال |
|
|
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل
|
|
25-03-2021, 11:36 PM
|
#33984 | |
|
حزب العاصفه
|
ما فيه كافي يالغلا لا تزيده=ما بري مابه قبل وشلون تكويه
لويش ضغطه ترفعه في وريده=باح العزا وش عاد باقي تسويه هو يعتبر شوفتك ريفه وعيده=يوم انت في روحك وعينك تفدويه واليوم غاية رغبته لا تكيده=وعن ما يوسع خاطره لا تعدويه لو تاخذه من كبوة الحظ بيده=ومن دلة آسف ما قصدتك تقهويه |
|
|
|
|
«
الموضوع السابق
|
الموضوع التالي
»
العرض العادي
|
|
