آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
14-02-2021, 12:06 AM
|
#33721 | |
  حزب الرعد
|
جف #الكلامُ وخاطر البوُح مكسوُر ؟
ومات الأمل وعيُون الأحلام حيه !.* ،،، ، الغصن لو ينهزع من ثقل وطي الظروف تصعد فروعه وهو يبقى لها قاعده مثله ظروف الحياة القاسية لا تطوف إلا بدرسٍ يفيد أيامك الواعده ،،، على بساط الليل نسري بالأحلام ونسامر نجوم السما .. بالأماني ،،، باقي لها. عندي من الورد ذكرى غير الخيال اللي سكن بين الاهداب وفي كل ليله لي مع الحزن مسرى وطيفٍ يواسيني على بعد الأحباب |
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك 
|
|
14-02-2021, 02:24 AM
|
#33722 | |
|
ماااشششش
صبرت مير الصبر عود على ماش لو كان اجامل في مساي وصباحي حاولت اكن الغيض في داخل الجاش وتعبت من كثر المجي والمراحي غديت انا والهم في حرب وهواش والكل منا كل ماقام طاحي وامسيت انا من جور الايام منداش من وقتي اللي عشت فيه بكفاحي ما داني المنه ورى كل غشاش رزقي على مجري هبوب الرياحي اللي عطا المخلوق من فضله ابلاش مده ولا مد اليد ين الشحاحي يضحكبي المسكين والخبل واللاش راع الشياه اللي وراهن يتاحي وليا نصحته عن طريق الخطا طاش ينعاج ويكب الطريق السماحي يبلاك لونك عن الشر منحاش خبلاًً يشره في بعيد المشاحي والذل عيب وراعي الذل ماعاش يضيع حقه بين جني وصاحي وخشمن يمينه ما تذريه يناش تلقاه يلطم من جميع النواحي والذيب اله فالليل مسرى ومغباش ليا جاع يسري مايذوق المراحي |
|
|
الخط يبقى زمنا بعد كاتبه ،،، وصاحب الخط تحت الأرض مدفون
|
|
14-02-2021, 03:21 AM
|
#33724 | |
|
تكهربني بنـورك ياقمـر سبحـان مـن سـواك وانا خطر ٍ علي اعوي عـوى واجـاوب الذيبـي والا ياجفن تنثرعبرتـك ياجفـن ويـش ابكـاك ولوتبكـي نهـار وليـل ماتطـفـي لواهيـبـي ولوتعرض على سبع الدول ماحـد ٍ يعـرف دواك جرالـي منـك ياجفـن العنـا سهـر وعواقيبـي وانا عارف دواك مع الـذي لوغبـت ماينسـاك خفيـف النـود مـن فرقـاه تقبلبـي وتقفيـبـي وانـاوالله ياكـل المنـا ماقدرعـلـى فـرقـاك ولاغيـرك مـن الخـلان إلـى جيتـه يهليبـي عجزت اعرف هدف سبة زعلك ولاعرفت رضاك ابي منك الصراحـه وانـت فاهمنـي وتدريبـي سلبت الحال واسهرت العيون وخاطـري يهـواك واصبت القلب يامطلـق عطيبـات المضاريبـي مضـت إيـام مارحنـا ولاجينـا ولاشفـنـاك دريت انـك عـذاب الـروح لاشـك ولاريبـي ٍ عساناياحبيبـي كـل ماجيـنـا البـلـد نلـقـاك على شـان المحبـه تتصـل شـرط ومواجيبـي والا ياليتنـي كـل الدهريمنـاي مـع يمـنـاك حلفـت إلـك بيميـن اللـي يعلـم ا لسروالغيبـي نبـي منـك العهدلاعـاد تجفانـا ولا نجـفـاك ابـي اكمـل مطاليبـك وكمـلـي ومطاليـبـي واناقلبـي وروحـي والعيـون ومابقـى يفـداك جزا ً لـك ماملكـت فـداك يازيـن التعاجيبـي شعرك اشقر وعينك ناعسه حـورا حلوماحـلاك تحتك اخضع مطيـع مريـع والاقـدار ترميبـي رمتبـي تحـت اقدامـك مقـاديـر ٍولاتخـفـاك إلـى منـي ذكـرتـك جرقلـبـي بالكواليـبـي |
|
|
|
|
14-02-2021, 03:26 AM
|
#33725 | |
|
صادق .. واحبك .. ولكن أنت كذبني
ما دام تجحد غلاي .. وتغري أشعاري قل لليالي.. بهجرك ويش تطلبني وهي الذي علقت في حبك اقماري ما شاب قاف القصيد .. وفيك شيبني الحب .. والبعد وشكوكك حطب ناري أغفى .. وأشوف الفراق المر.. يرعبني وألقاك بين الضلوع .. توزن أوتاري واقطع حبال .. علي الفرقا .. تجاذبني لي صار هذا الغرام.. وهذي أقداري وأمد ليل السهر.. وأقول عاتبني ان ما تلحف صباحك.. وادلج الساري ما دام .. كل الدروب.. اللي تقربني تزرع بها الشوك.. وتهدم لي ابياري كنك على كثر .. ما احتاجك محاربني وانا لك مدين.. ومسلم لك إقراري لاني براضي.. ولا أحد فيك غاصبني وتغيب .. ما كن لي في خاطرك طاري تنسى..ولا أنسى.. وقلبي معك متعبني واهيجنك في قصيدي .. وأطلبك ثاري إن كان يرضيك فقدي.. وأنت كاسبني تبا أتمنى لسمعك.. تاصل اخباري وليا مسحت المنام.. وصرت تكتبني يمكن أبيع الغلا .. يوم أنت له شاري  خيال |
|
|
|
|
14-02-2021, 07:15 AM
|
#33726 | |
حزب الرعد
|
صباحكم دافي رغم شدّة البرد
صبح الأمل ومكللٍ بالسعادة نور التفاؤل فيه محفوف بالورد وكل واحدٍ منكم يحقق مراده يسعد صبآحكم ويعطيك العافيه خيآل وصح لسآنك ويسلم ذووقك |
|
|
|
|
14-02-2021, 07:18 AM
|
#33727 | |
حزب الرعد
|
متفائل اليوم والدنيا بها كل خير
والحمد للواحد المعبود رب البشر لاصبحت آمن ومتعافي وربعك بخير نعمه من الله عظيمه تستحق الشكر ولوتنظر بعين عقل بعالمك وشيصير عرفت فضل الإله ، الي لنا ينهمر الحمد للخالق العالم بخافي الضمير والله يعز الوطن ويحمي ولاة الأمر |
|
|
التعديل الأخير تم بواسطة الجووهره ; 14-02-2021 الساعة 07:30 AM
|
|
14-02-2021, 09:06 PM
|
#33728 | |
حزب العاصفه
|
ما قصرتوا الليله ويعطيكم الف عافيه
خيال والجوهره هلا فيكم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ ـإي والله إي والله لا تعتذر عندي ترا الشك زايل=وانت تعرفني قابلٍ للمعاذير مشيِّت منها قبل لك كم هايل=لو اكثريتها بليا تبارير احاول اصدق بشتى الوسايل=ولا ينقطع حبل المواصيل لاغير |
|
|
|
«
الموضوع السابق
|
الموضوع التالي
»
العرض العادي
|
|
