آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
21-10-2020, 12:10 AM | #32513 |
حزب العاصفه
|
مراسيل المشاعر قصرت ماودت المطلوب
تعثّر ياعذاب اللي تنازل عن مطالبها تطوع نفسها ترضى وتعْسفها على المكتوب ولو فارت دْلال الصبر من صالي لهايبها يهيض خافق المشتاق لاغنّى الحمام,ونوب يجيبه لَـ حبيبه كل ماهبت هبايبها |
سبحانك اللهم وبحمدك
أشهد الا اله الا أنت,أستغفرك واتوب اليك |
21-10-2020, 12:21 AM | #32514 |
حزب العاصفه
|
ياطير بشرني عسى خير ياطير
يومك تعَرْف اللي بقلبي واريده تدري وانا ادري بس انا وانت لاغير حتى ولو يقرأ الفطين القصيده رموز ودي ماتجيد التعابير في تمتمه لو تدخل القلب سيده شعر ومشاعر بددتها المشاوير وان لمّها المشتاق قصت وريده بين الامل والياس من غير تبرير لو كل يوم اكتب قصيده جديده واشرح عليها بعض ماصار ويصير وان بيّحت,سويت نفسي بليده ياطير لك عندي معزه وتقدير بيدك مفاتيح الخفوق وبريده وان جاك في تقرير الايام تقصير غصبٍ علي حكم الظروف العنيده قسم فْراقك من كبار المخاسير والامر لله والمقادير بيده!! |
|
21-10-2020, 12:45 AM | #32515 |
|
ارحبي يا نجد
الله عليتس صح لسانتس مدد مبدعة ك عادتس شاعرتنا والله يبشرتس باللي يسعدتس لاخلا ولاعدم انتم كفوووو والله انكم ماتقصرون بس حزبي غير حزبي يابعد كل الاحزاب >> تقول في نفسها خشمك خشمك لو كان عوج ): ههههههههههههههههههههههه ،،،،،،،،،،،،،،،،،،، من لامني في وصالك جعله "ام العبيد طال المدى ليت فدي الوصل عتق رقبه ! ماقول غير ، الله اقوى يابحور القصيد ومن كان له غاليٍ شرواك .. لايقربه (: |
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل |
21-10-2020, 12:04 PM | #32516 |
حزب العاصفه
|
صباح الورد فردٍ فرد
الله يبيض وجهك شاعرتنا على هالنوادر الغير مستغربه عليك طال عمرك على الطاعه مع القصايد يروق للشاعر الشعر مرحبا يارحيل وحياك مولاك والله يحفظك ويبارك فيك يسعدنا تواجدك وتطربنا تساليك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ يقولون طول الوقت يطفي لهيب الشوق هم ما جربوا لكن انا اقول لا والله انا بي جلد واصبر واكابر وانا ابن روق اخاف العزوم اتخور واتبيِّن الخله من التجربه من حب يحرم عليه ايروق الا من صفا جوه على طول مع خله ومن خاطره دايم من فراقهم مطروق ضغطه مرتفع بالحيل والروح معتله ليا حاول السلوه اتقزيه ذات الطوق لاناحت تقول القلب من صدره اتله ما تهنا عيونه غير بنعاسها المسروق ركون الحشا تقول تحشا بها المله وبس هههههههه |
|
21-10-2020, 12:19 PM | #32517 |
أبعد قريب
|
صباح الخير و المسرآت
جدي و شآعرة نجد صحت السنتكم و دآم ابدآعكم المترف و عودا حميدا اخوي الدنيش و الحمدلله انك بالف خير و عسآه دوم و الامير الخفير دآم جودك و جهدك و صح نقلك و ذآئقتك العسل الجوهره و المهره و رحيل ديم يروي ثرى هالمكآن و ظل وآرف و احلى ذآئقه شعريه مرت علي والحين رحيل المسجونه ههههههههه اصبري يالمبدعه و لا بد ما الرب يفرجها و ان شاء الله ازورك لا جيت من السفر دمتم جميعا بكل خير و عآفيه ولكم جل تقديري و فآئق احترآمي |
|
21-10-2020, 12:26 PM | #32518 |
أبعد قريب
|
وهذي تسآلي للسجينه
يستغربون القآف الما ليا جا صافي الشرب محلاه طآهر و عذب و بايدهم يسكبونه مآهم تغيَّر ليت بالصدق نغلآه و الا نذيب القلب و الروح دونه الما الذي ما يروي كبود تظمآه ماهو بـ ما يا مرتوين بـ مزونه يستغربون القآف لا بَلّني مآه ما استنكروا قلب ٍ غريق بـ حزونه لا هل ما عيني و بي صب محمآه ما شفت ربع ٍ تحفظ الما و تصونه و ان هَلّني بـ حروف ٍ تنآدم الآه بـ اقول يا دمعي كفاني مهونه |
|
21-10-2020, 12:29 PM | #32519 |
أبعد قريب
|
و ذي بعد تصآلي
1000000 كلمه اَجَمِّعها من قلبك الصافي و قلبي لاجل اِن حَضَرتي أَرَتِّبها و آخطَّها بصدرك العذبي واقسى شظاياك بـ اكتبها دم يوصف اِعلانِك لْ حُبِّي لو هي جريمه أَبَـ اَنْسِبْهَا للوقت و اقدآر من ربِّي بـ آخذ يمينك اَحبحبها و اَغْرَقْ بَهَا دون ما آخَبِّي يا أجمل الريم و اعذبها لولآك ما يِـنْـلِـقِـى طِـبَّي و عيونك .. اللي أعذِّبها بالدمع .. في غيبتي وقربي ظِلِّي بْـ هَدَبْها و حاجبها من صآآآدق دْمُوُعَهَا شُـربـي هي دمعة ٍ لو أحاربها خسرآن مع جيشي لـ حربي نِعـمَه من الله ... عَجآيبْهَا زآدت بمفتونها الكربي ما غيري انسان شاربها حتَّى الذي مْحَـلَّلَه ربِّي سَآعَهْ وتنبض عَقآربها في معصم الغير من قلبي بالأمس عذرا ترايبها واليوم للثاني اِتْرَبِّي صابتني بـ حب صايبها مو ذَنْبَهَا تحبّ و مُو ذَنْبي هذي الحياه و غرايبها يا كم سَبَوُهَا و كم تَسْبي كم جآذَبتني و اَجآذبها و البير قد جف من جلبي لين استقى الروح جالبها حتى نبت داخله عشبي عطر المحبَّه هبايبها مااستغربه ما أقول اِشْ بِي لو لحَّفَتْني ذوآيبهـا ما يصبح الشرق ذا غربي ما الومها .. بجد حآببها و تحبِّني وذا سبب غلبي ما هي حلالي و خاطبها ياليتها طير في سربي ياليت نومي بجانبها و يتوه في حضنها دربي |
|
21-10-2020, 12:32 PM | #32520 |
أبعد قريب
|
تصالي صبرنا و الصبر بعضه مذلَّه و من بعضه تفتَّت قلب صآبر جبرنا ... و انجبرنا لو نملَّه نملَّ و ما لنا بـ سوآه نآصر وانا صبري على هـ الخل علَّه تولِّجني بـ غبَّتها مخآطر تجنَّى و حط بالتفكير خُلَّه و نوم الليل ما يهنآه حآجر صبرت و دمعة عيوني تهلَّه تلوِّن لوحة الذكرى بـ نآظر سمرته بـ السما نجمه مطلَّه و في غصن الخريف اقفيت نآطر أشوف بنظرة العآلم أدلَّه واشوف الحق بين شفآه حآير انا اشهد من عثر عثره تزلَّه كسير و ما له من الأمس حآضر ومن لا يفهم عيون الأهلَّه يقدّيه الوهم لو كان شآطر ومن حط الصبر في مهجة ٍ له يوآعد صمته الغدّآر بآكر و شكوآنا لغير الله مذلَّه ومن لا يستجير الرب خآسر |
|
|
|