انا احسبك تمزح قبل واثرك ما صدقت=لكن مستحيل اصدق انك تخليني
واللي قدَّر الفرقا بعد لمنا مارقت=بعد ما انقطع لرسال مابينك وبيني
بغبة هواجيسي مديِّش وتوي فقت=لدي لي بعين رضاك الا يانظر عيني
تراني على شفت شفا مات خلك وقت=ما ترضين هذا لي ولاهوب يرضيني

حان السفر من ديارك يانظر عيني=مقفي ورحي بديرتكم مخليها
كن المفارق يقطع من شراييني=والرجل عن ماتباه الشوق يثنيها
الشوق ناره لياقفيت تكويني=ماغير وصلك ليا جيتك يطفيها
الله يديم المواصل بينك وبيني=ولايحرم العين شوف عيون مغليها

ابن سهل في سجن الرواسي امقيم اسبوع=وانا كن فيِّ اليوم لطلاقته طنخه
بقافٍ على هجسي اذا ما صلح مرجوع=الفه والوفه من على جبهته فنخه
نوح الراعبيه بالنخل هالعشي ايروع=تندب خل والا ان الخضاري فقد فرخه
يصوع المعنى الوجد لامن سمعها صوع=تسمع فيه داع الشوق يقنب له بصرخه
ويجي بالحنايا من رجيف الفواد صدوع=منها الاورده واعلى الشرايين منطرخه
سوات الرشا في يد غشيم ويبوعه بوع=والورق اذنبت في كبدٍ من امس منشرخه

مهره ومن روعة تسالي للاغاز=ماتجيب غير اشيا جميله وروعه
بس التسالي نوب تسعر كما الغاز=قلب العنى من شعلته فيه روعه
لضمى شراسيف الغلا توعز ايعاز =وتزيد في جيعان الاشواق جوعه