همات للقمه وعزٍ بأثر عز=يادولةٍ من يوم قامت عزيزه
شعار بيرقها له العالم ايفز=وسيف العدل واللون له صار ميزه
في كف قايدنا على الجدي يركز=ابو فهد ما يكسب الا الغزيزه
وروية ولي العهد تعطيك موجز=قال اختصرها لك بفتره وجيزه
بعشر ما سووه بعقود ينجز=وغير النفط جاء لاقتصادك ركيزه

قالوا كم ايعن إلك طاريه باليوم=قلت بضحى والا عشي عِد واغلط
وصفة طبيب بكل وجبه وبالنوم=طيفه علي بغفوة النوم يقلط
قالو تبالغ قلت مبلي ومظلوم=لو مابي بغيري بلحظه تجلط
ان كان يلحقني على ذكرها لوم=للبحر يامن لامني فيه بلط
صرت اتلذذ بالغرابيل وهموم=اجمع من انواع المشاكل واخلط
حتى على سور الغلا صفَّر البوم=خاب الامل والحظ من ياسه انلط