آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
21-09-2020, 02:29 PM | #32034 |
|
ومملكتنا الحبيبة بألف خير
وانت والجميع بخير ماشاء بصراحة تصميمك جميل وروعة مبدع يالصقري |
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل |
21-09-2020, 04:54 PM | #32036 |
|
حزين من الشتا والا حزين من الظما ياطير دخيل الريشتين اللي تضفك حل عن عيني دخيل الما وملح الما وحزن الما قبل ماتطير تهيا للهبوب اللي تصافق في شراييني دخيل الغصن والظل والهزيل وهفهفات إعصير دخيلك لاتشح بنجمتي والليل ممسيني ترفرف يافقير الريش ضيقه والنهار قصير علامك كل ماليل جناحك جيت ساريني انا ماني بخير وجيت يمي وانت مانت بخير وانا ياطير في من الهجاد اللي مكفيني ترى لو شفت لي ظل ومهابه في عيون الغير ترى كل الزهاب اللي معي جرحي وسكيني مساعد الرشيدي الله يرحمه |
الخط يبقى زمنا بعد كاتبه ،،، وصاحب الخط تحت الأرض مدفون |
21-09-2020, 05:12 PM | #32037 |
|
ياذيب ياللي بالحنايـا لـك قنيـب أتلفتنـي بعـواك يامـال التـلـف دور لجوعك رجم ولهمـي شعيـب ودور لعيني نـوم لوكانـه سلـف من بارحة لأولى وأنا أودي وأجيب طواري منها شعـر راسـي وقـف تزاحم الضيقات بالصـدر الرحيـب نفتح ملـف الهـم ونقفـل ملـف يالله بجاهك من تريديـة النصيـب وبحماك يالله من مقاشير الصـدف نشيب ورموش الليالـي ماتشيـب ونعف وصـدوف الليالـي ماتعـف وكم خاب ظني وكنت أظنه مايخيب وكم باروا الأصحاب فينـا للأسـف وكم صالفت بقعا عساهـا للذهيـب وفي عـز شدتهـا قلبناهـا تـرف نقدم على رقـي المنابـر مانهيـب إن جات وإلا ماعلى الدنيـا حسـف نحيا حياة أحرار راضين النصيـب ونمووووت ماتاطى لنا الدنيا طرف ونقصر خطاوينا عن الدرب المعيب وبالماقف اللي يبهج الخاطر نقـف ونطيب لو عيـت ليالينـا تطيـب فضل من اللي جمٌل الحـال ولطـف غصب على الوجه الكريه المستريب وغصب عن الرديان من شق وطرف |
|
21-09-2020, 05:18 PM | #32038 |
|
يا نجد من سماك نجد لنا طاب اسم سميتي به مثل ما سما بك اسم تغلا فوق هامات الأقطاب والله عطاك العز شرف جنابك يا نجد يا أم المجد من حاربك خاب حرم على الغاصب يدنس اترابك ما ذكر بالتاريخ واليك غضاب الله حماك من العدو ما مشابك من يوم أبو تركي سعى لك بالأسباب واركا على صدر المعادي حرابك من نجد سار المجد بالسيف وحراب جيشه هل التوحيد حثو اركابك عبد الله سعود الصقري الله يرحمه |
التعديل الأخير تم بواسطة خيال مطير ; 21-09-2020 الساعة 05:26 PM
|
21-09-2020, 05:42 PM | #32039 |
|
ونّ أبن جدلان من لايعٍ لاعه كن في كبدي دوافير صناعي ألعب المنكوس وأحب روباعه ممّنن فالوقت.. والوقت خدّاعي مادريت أن ضحكة الوقت خداعه شفت مدخالي ولاشفت مطلاعي لابغيت أسج وألا انبسط ساعه دق قلبي من ورى حدب الأضلاعي كن مابين الضلوع الةٍ طباعه تشتغل لا نمت وأقوم مرتاعي هم قلبي ما يفرّق تجمّاعه غير جر الصوت والناس هجاعي فاقدٍ لي سلعةٍ وأكبر أبضاعه سلعةٍ تشرى ولاهيب تنباعي رفقة الطيّب ليا غير أطباعه أشهد إنها كيّةٍ توجع أوجاعي راكب اللي صممه صاحب أصناعه جمس بيك أب من حديثات الأنواعي الغريب اللي جديد من أنواعه حوض رفرف مايبى شد وشراعي لا أونس البنزين عجلٍ تفرقاعه مخطرٍ من سرعته يقلع أقلاعي لا تحرّك شفت في القاع مشلاعه والتواير تظهر الماء من القاعي ينعش القلب الحزين أبتهملاعه لا مشا قام يتهملع تهملاعي لاوطى الأرض العتش كن تهزّاعه بنت شيخٍ طامح من ولد راعي في رجاء الغايب تحرّى لمرجاعه تنقد العشّاق وتطق الأصباعي نفسها من جملة الناس منصاعه ما تبي إلا واحدٍ ذكره يشاعي ينحر اللي يأخذ الطيب بذراعه الصديق الصافي الصامل الواعي الوفاء والطيب ساسه ومنباعه يوم بعض الطيب تقليد وصناعي لا وصلتوا فأخبروني عن أوضاعه وأخبروا راعي السمارا عن أوضاعي أنشدوا ويش السبايب بمهزاعه لا عليّ ناقص.. ولا أبيه فزّاعي ودنّا نرضيه ونحاول أقناعه كان ابن مهمل بعد يسمع الداعي كان يبغا حق للحق قطّاعه نقنعه والحق ما عنه مجزاعي وكان مبغض فـ الرياجيل بتّاعه لا يجي ناقد ويلحقني أرياعي للصديق نخلّي النفس خضّاعه ما نوريه الجفا.. والتمطاعي الصداقة عندنا ذخر وطماعه صحبةٍ ما هيب صحبة تمتاعي حد جدتها على البرق لمّاعه وإن خذت يومين مفعولها ضاعي إن تليمنا على العزّ.. والطاعه وأن تفرقنا فجوج الله أوساعي ما أطرد المقفي ليا صفّط أشراعه مخبل اللي للمقفين تبّاعي من يحط أذنه على كل سمّاعه جاه فرقاً ما بعدها تجمّاعي والزباد أختام هرجي.. ومطلاعه يدفعه من ريحة المسك ذعذاعي |
|
21-09-2020, 09:18 PM | #32040 |
|
بعـض العـرب قربه مـن العزّ نـوماس ســليم النـوايا صادق الـقـلب والتعـبـيـر على كل حــال الشاعر المُلهم الحسّاس يرى في ســلوك النّـاس ما لايراه الغير عــلى قدر ما يمكن تبعد عـن الدساس ترى الارض لازالت ولازالوا أهل الخير شِعر - علي القحطاني هلّ المطر هلّ المطر عصريّةٍ في طرف ليل طاري نكـدها من سعَـدها موّلي كأن قطـراته عـلى راكـد السيـل حبـّـات رملٍ فـوق جبهـة مصلّي شِعر - رشيد الدهام حتى الحصان حتى الحصان اذا ركض خذ جوايز وأنا لقيت من العنـا مـا كفانـي عساي يا ربي على العفـو حايـز وعساي مرحومه إذا الموت جاني شِعر - سلطانة السديري من وجد ذاته لا تحاول ترضي العالم قبل ترضي طموحك من وجد ذاته وجد عن احتياج الناس مأوى الجماله رغم تقديري لنُبلك ولوضوحـك ودّك أنها ما تسوّى غير في رَجّال يسوى شِعر - محمد جارالله السهلي |
|
|
|