العاصفي في سجن الإبداع مسجونن ومحجور = والله يجيره من كرونا ومن همّ الكآبه
قلنا نزوره ، قال الأقشر حشا والوضع محذور= ما نسمح إلا من ورا الشبك وإلا بالكتابه
وليا كتبت إلبس قلفزات والكمام مصرور = وعقّم ثيابك زين وألق الرسالة عند بابه
ويا خوفنا لو طال هالوضع وأمضى عدة شْهور= من يحلق الشايب ومن نرتجي يغسل ثيابههه
والنخل من يرقب عذوقه ويجنيها على الفور = ومن يبيع التمر وإلا يحطه في عيابه
يا بو عبيد الله يعينك ومثلك صار معذور = ومَن يفكر كيف هالجايحة .. يفقد صوابه
لكن رجانا في عليم الخفى في كشف مستور = والناس لو يتجمّعوا قال : ما تخلق ذبابه
وأصبر على ذا الحال يا شيخنا والصبر مأجور = واليسر بعد العسر وعدٌ من الله في كتابه