آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
27-01-2020, 12:20 AM | #29025 |
|
اقتباس:
فيها ادرجت المغربيه بلا فود=وعودت ما سنعت سابي فوادي
ما انشد واحس انه بها غير موجود=مادام نبض القلب مازال عادي لشوفته لا احرا قبل رجفه ايزود=والليله اشوفه من العصر هادي وقررت من هالطرقه السيه اعود=في بردةٍ يحس فيها الجمادي شبط شباط اب/ برده ازهار وورود=بمسك القلم ازرا بنان الايادي يالربع وين الشاعره مالها رود=وعن نقده الناقد وراه امتحادي اول يمنينا زيارات ووعود=واثر اصبعه جاهز لهمز الزنادي الشبط وبناتها اثرن حتي ع القريحه ههههههه |
|
27-01-2020, 12:26 AM | #29026 |
|
اقتباس:
روائع الهواوي لاتعد ولاتحصى ماشاء الله تبارك الله لكن اعجبتني هـ الابيات وجاريتها لانها جمعت المبدعين صحت السنتهم.... الهواوي بعد رقت فكيت المساجين يالخيال علمهم ليا امسوا كلٍ ايروح لهيله وانا ابا افدي لاثنين وادخل على ماقال احسب مدتي بالحبس عندك كذا ليله ان بر الحفيد الليله وصب لي فنجال والا كيفنا يعجبك في بنه وهيله اريد التسالي من حمد عذبة الامثال ونجلاء من اليوتيوب تزعج لنا شيله من الجوهره كم بيت ابا اشيلهن موال وعلى الناقد الهارب ليا آااب تحليله قل للعاصمي لا مر حيثه عريب الخال عشانا هريفي ينشوي بعد تتبيله كان الغامدي عند الغرايس هنا مازال بلبلها يغني نبي نسمع مواويله وملكة الرواسي للتكاليف تدفع مال تسمع بالحفل مهره من البعد واتجي له وين الشاعره صيحو لها بالغتر وشيال عساها تصنتع قافها العذب واتشيله الدنيش حدتني هواجيسي على سجعة الموال وغنيتها باللحن والسجع والشيله عزفت الوتر بالقاف والصوت له ولوال تقول إبن عبده شال ردي مراسيله وأبو بكر يوعظني ب ( يا حامل الأثقال ) ولا خف حملي من عناها ولا ليله وصبري نفد ويقول لي يا طويل البال تصبّر على ذا الحال لو قلّت الحيله آلا ليت يبدي لي وينشد عن الأحوال وأخبّره مما صار بالحال وأشكي له نضمنا قوافي الشعر بالعقد والسلسال عسى يا عسى يبدي علينا ونهدي له ويا هاجسي حط الموازين والمكيال وثقل موازينك ووف الغلا كيله وقل للهواوي شعرنا تسلية وأمثال نهوجس بها ع اللاب والنت تروي له روايات نتسلى بها ملح للأشغال وعده رياضة فكر في صوغ تفعيله ويا حبني لا هاض هجسي على موال أغني على ليلاي وأسجع مواويله أنا وانا رقت من بعد السفر والليال طْوال وجيت اسمع الشعر الجزيل وتماثيله وجيت ارتوي وبْدون صيحه وحذْفة شال من عذب القصيد اللي شعتني تفاصيله تعدل مزاج العمس لاجت كذا ع الفال قوافي تروّق من سهر فالشتاا ليله نجوم الرواسي مبدعين وصداهم عال على هام غيمٍ لا رعد ينذكر سيله تهيضت لين الشمع من جمر شوقي سال على صفحتي والليل محلا تعاليله سرابي هجوسي والسماا مدلهم خْيال خذاني وعناني على هجنه وخيله وغنيت من روحي وبوحي على يالال بقافٍ تلاحيه الحمامه وتومي له نغني من الواقع وننسج من الخيال قصيدٍ يسلي من يشوقه ويوحي له أشارك مع الشعار بـ ابيات قد الحال صدااي وُ على الارسال نقله وتوصيله نجوم الرواسي مبدعين وصداهم عال على هام غيمٍ لا رعد ينذكر سيله تهيضت لين الشمع من جمر شوقي سال على صفحتي والليل محلا تعاليله عزالله صدقتي ... الهواوي .والدنيش شعار جزلين لاهانوا ولاهنت حروفهم بس انا بكون مع ابو عبيد ضد الهاجس والشاعره فهل تقبلني من فريقك يابو عبيد ... |
|
27-01-2020, 01:58 AM | #29027 |
|
وقفت أتفقد ودي أجاري ابو عبيد
وحصلت لي بيتين يا ناس مفقوده ولا أدري سقوط السهو غير نظام السيد عساها عساها كبوةٍ غير مقصوده أنا ما علي خلاف وكل الليالي عيد وكلٍ يجيب الصيد من خشم باروده ليا من نويته والله إنها تهون البيد وتصبح علي احلا من الترف وخدوده اصيد النوادر كلها لا نويت أصيد وأشرِّه من أطيبها وساس الكفو جوده على الحيد أحث الرجل من شان صيد الغيد ولو الجبل عالي وفي حيده بروده بقلبٍ جسور وعزم ماهو مع الرعديد أحث القدم والخوف ما أحس بوجوده ومن فضل ربي كل رزقي على ما اريد وهذا الكلام الحق وأبياتي شهوده |
|
27-01-2020, 07:58 AM | #29028 |
حزب العاصفه
|
ياصباح الخير والعافيه للجميع
صراحه لودريت بحضورك البارح ما سريت وانا سراني البرد اليوم الصبح الما عندنا جامد لو بغيت امشي عليه فعلت ياهلا بشاعرتنا يسعدنا تواجدك وتواجد الجميع لكن منك نطمع بهالروائع صح الله لسانك وعودا حميدا واجازه سعيده ارحبي يابنت ابوها ولاهنتي وانتي معنا دائما ومن اليوم عاصفيه لكن ترا شاعرة نجد هي راس الحزب واسه واساسه هههههههههههه والمهره عاصفيه عليكم بالعاصمي والجوهره والنجلاء والخالدي والناقد ان رده الله فيه الحفيد يبي له سنع صار غيابه يطول هالايام اهلا يالخالدي وصح الله لسانك على هالرائعه ولي ايليها رجعه ان شاء الله الله يجمعكم على الطاعه ويسعدكم ويحفظكم |
|
27-01-2020, 08:10 AM | #29029 |
حزب العاصفه
|
بي اتجيب جزلات البيوت العذاب العيد=ليا حاف شردهن حمد واحكم ردوده
وليا شفت اثر للشاعره قلت اكيد اكيد=هجوس الشعر انصت للابداع والجوده معي عبيدةٍ لكن شيطانهم مريد=شواهيق روس جبال الابداع ماتكوده لم تكتمل عندي اجتماع بالمحافظه لكن ان شاء الله اكملها |
|
27-01-2020, 08:19 AM | #29030 |
حزب العاصفه
|
الناقد/الشيخ والشاعر علامه ثقيل=ان كان ما خففته البارحه ما اثقله
ندري ونعلم بمسعى القرم مسعى نبيل=لاشك ما ينقصه علمٍ لنا ينبله قافين تبذل منه صدقه لعابر سبيل=نعلم بمضمونهن ما كلنا نجهله |
|
27-01-2020, 11:50 AM | #29031 |
حزب العاصفه
|
بي اتجيب جزلات البيوت العذاب العيد=ليا حاف شردهن حمد واحكم ردوده
وليا شفت اثر للشاعره قلت اكيد اكيد=هجوس الشعر انصت للابداع والجوده معي عبيدةٍ لكن شيطانهم مريد=شواهيق روس جبال الابداع ماتكوده وانا اشعب ذلول الشعر واجاري القصيد=وليا ازريت قلت الصبح لي يمكم عوده ومن بعدها يالشادن الجافل الوحيد=ترا السالفه عليك من قبل مردوده معك ما يسد ليا بغيت الوفا ويزيد=تطارخ بها الموجه من طريف للسوده والسيد ترا مهما تكبر يجي له سيد=خصوصا ليا وقع على العقد وبنوده ما ادري وش بلاها ياملا فلتت من الايد=ماغير مساريها سوى ذعذعة نوده |
|
27-01-2020, 07:12 PM | #29032 |
حزب العاصفه
|
خيال وينك ياخفير السجن لاتبطي علي=شغل وهات الخالدي في سجنك وقفِّل عليه
لوهو حفيد ابن عريعر بالشجاعه ممتلي=مافيه مفتي حرم الكلبوش لا يربط يديه في حبسنا اطرق في حمد ذالليل والمخرج ملي=نبي نشوف ان كان له فزعه هنيا تفديه والباب فكه لي عساك اتدوم باروح لهلي=وخل الفراش وفروتي و البشت انا ماعاد ابيه ومن بعد هالتقديم وامر الاعتقال اصبح جلي= ابا استقل الذاكره وتروح بي للي تبيه ان كان ودتني مراتيع الشوارد بالخلي=امر عليه اعتد في وقت الصبا وانا اشتهيه وان كان ردتني لمن يزهى الجواهر والحلي=سريت معها وين ها ما يممت حتى تجيه وارهيت للشيخ التسالي كل ما طاب وغلي=من كل قافٍ كل حرفٍ فيه يسوى له جنيه للي نهيت الهجس عن وصفه وعيا ينكلي=وليا تناول سيرته بالمفرده يصير تيه من شاف حبات البرد من السحابه تنزلي=تشبه ثمان بقرمزيه لا ابتسم لا فض فيه وبس |
|
|
|