الله واكبر ياكذا نوع ضيفان=قد كنت انا ضيفٍ لهم وااستعيده
في مجلسٍ للشيخ عايض كحيلان=والكل منهم صيرمي ووليده
ما اخبر هذا الزهد فيهم ولاكان=لو ان سيرة كل واحد حميده
ليا قلت قاف بوصف مدعوج الاعيان=بهجومهم ما اعرف من كنت بيده
تقول بين ابو بكر وابن عفان=صحابة المختار واهل العقيده

حطني مع صورة العرض واعرضني=في عيونگ ي العيون الحياويه
تعرف اني مندفع لو تلاحظني=سرعتي في جيبت اسمگ جنونيه
لو تفتلني محبه وتنقضني=اعتبرني في يدگ لعبتن حيه
مايعكر لي مزاجي ويمرضني=غير يوم اشوف نمرتگ ملغيه
من غلى حمى المحبين تنفضني=م نفعني طب علمه وشعبيه
في غيابگ م خلق من يعوضني=انت في دنياي حاجه ضروريه
حبني لو المخاليق تبغضني=في حياتي دخلتگ غير عاديه..

الاجواء جميله والمشاعر بها تشويش=ومن بينهن قلب العنى ضاع بالطوشه
الا واهنيك ياعقابٍ نفضت الريش=تعليت عن غبرة وطانا ومرشوشه
وش هالبخل يوم انك تعيي تعير الريش=لمن بالجفا نفسه من الخل مبطوشه
من اول وبه طمعه وهالحين يبي ايعيش=اقصى غايته ترجع رعاياه في حوشه
لو ان الخساره فادحه يالغلا حتيش=ولو ان الكبد من ناب صدتك منهوشه
من اقصى طريف ايلين تدخل شوارع بيش=فلا اظنها من من دون لاماك منعوشه