سملول بالحمل قالو قص ظهر البعير=الله يغربل هل الافكار وامثالهات
المرتكي للثقال يموت بامر يسير=ماقالت الناس صح؟او هو يورا لها
يالجيب ياللي من السرعه خطيرٍ تطير=دريولك معذرٍ بالشال وعقالها
تشبه لحربيةٍ على الحواثا امغير=جام الغضب صبت بعمران واجبالها
رض لي دقايق ابا اعيد النظر واستخير=قبل تدك الرحاه الحب واثفالها
امرٍ جلل لا تحسب انه مكاء وصفير=تبحل اذاعةالbbc بارسالها
ياهاجس الشعر ما زلت استحق الكثير=بلابلي معك تبي اتشيل موالها
يمكن بها ينفرج ضيقٍ بصدري خطير=تكه من اول وبس وجابت عيالها

‏

حتى المزاج اثره تجي فيه وعكه=والهجس اقول اش فيك ويقول موعوك
متقاسمين من البهاذيل كعكه=وسن القلم ما يشفق لبوسة البوك
واقسمت له ليكابد اليوم دعكه=ويعود للمخباة والخشم مفروك
بكل موجه حاصل اليوم فركه=ولا فيه ورد الا على شجرته شوك

‏

الهواوي صاحبي ضيقه رطب الخصر=ياعسى ند الصدر مايضيع حجته

علموه اليا نشد فالهوا مامن بصر=كم عشيق{ن} يلتونبه وتسمك عجته

الهواء روح ضحا ونت جايله عصر=الدريول وان والجمس بانت رجته

خلنا ياصاحبي بين الاهلي والنصر=الضحا للنوم والعصر ناخذ سجته

مع رقاريق البراحي بعيد عن القصر=كل منا وخذها شقر يكتب حجته

‏

العشر جعل الله يثبت عملها=والعيد قرب ياعساكم تعودون

ياسامعي سود الليال احتملها=وصبر وعسر اليوم بكره لك ايهون

كم من حمول نوخ ابها جملها=وكم من بعير شال ونتم تعرفون

دور ليا ضاقت حرفها بدلها=وحرص تقول ال نص الاصحاب تكفون

دور خوي يبهج الصدر ولها=خل الضعوف اهل البرابر يدجون

‏