لكم العزا بالمنتدا يالرواسي=مديرنا بكره مقرر يذكيه
من العام تدهم مجتمعنا مآاسي=هذي تصبح به وهذي تمسيه
وقع الخبر اكيد بالحيل قاسي=والاوكد ان اللي قضى الله يمضيه
تبصروا بالراي وابليس خاسي=واللي معه حل لهذا يسويه

‏

اجر اذن هجسي للقصيد الحلو وايكع=مثل كعة اللي يبطح لسوط جلادي
كاسه من بعد ما بان له من خبر مترع=ابي منه يمشي مثل قبل امس وايدادي
الا يالحمام اللي هجر مزرعتنا ارجع=وجود الهنيدي تحت ظل النخل عادي
ترا الجرح لو هو مندمل لو نبش يوجع=لو داواه من لا سبب الجرح ما فادي
يفيق الشقي شوي وليا ذكر يصرع=رجوله تخرفع قبل لا ياصل المادي
من لا يرغبه لو صاح بالصوت ما يسمع=ويظن الذي له رغبه بصوته ينادي
مسيكين ناقوس الخطر بالاذن قرقع=(كأن لم يكن)قيلت قبل وقت بجيادي
هذي شوكة الايام لا بد ما تلسع=وتجي دون ما تسعى اليه البشر حادي

‏