تهيظت لو ما فيه شيٍ يهيظني=واحب اتضاحك والمزاج عبوس
اتلى العهد في ضحكة الصدق مبطيه=اذكر مودعها بليلة بوس
لضحك التصنع ما تعودت وابتسم=بالغصب كن الفم فيه يبوس
الا يالحمام اللي له ايام ما لعى=حس سلوة الخاطر بنوحك حوس
بين الرجا والياس ما ودي انتظر=ما عاد في مرقاب صبر جلوس

‏

قفلتها ما عاد به شي اقوله=وانا انتظر واصغي لما ودك اتقول
اخذت بي في ساحة ارضيك جوله=وطول الرجا في هالرضا غير معقول
خيم على فكر المومل ذهوله=وضفا عليه الياس بالعرض والطول
الصبر ينفد والاماني خجوله=ولا للشقاوي معك قوه ولا حول

‏

ياصيف خف الله يسلمك عنا=حر بنا يكفي عن حرورة الصيف
في لاهب المرزم تقاضيت منا=عن الشتا اللي جابه الله على الكيف
ليا بغينا بالمنام انتهنا=ونغفي دقايق زارنا للغلا طيف
انسدت البيبان منا ومنا=وادهر جناب قلوبنا من بعد ريف
لا اشتاقت الكشره تِبِسمْ وزننا=وقلنا مشى الماء في عروق المواليف
نعق غراب البين والبوم ونا=وعلى بصيص الامل سل الجفا سيف

‏

لا استرجع التفكير ما فات جِنا=ودكت به همومه فراد ومراديف
تقفي عنه غاره والاخرى تشنا=تشيب رمش العين وتهد واتخيف
بس المعنى طول عمره معنا=مافاد به كثرة نصايح وتعنيف
‏