اخوي ماهو بطل من مكرهه ياترى=عبارةُ من ثلاث شهور قريتها
العام شجاع اخوي يحذف عظمة سرى=واعدي ادوِّر عظم ساري وسريتها
بجوٍ رومنسي ندير علومنا بالعرى=ما فيه حبيتها وشوي دسيتها
ميدان مكشوف من مره يعرف ويرى=اطوار لعبة سرى صيغه وتوقيتها
ياطير ياللي بمزمار الصفير انبرى=للورق قل لا تنوح ان كان مريتها
عنكن ينوب المزارع يشتكي ما جرى=من ضيقة الصدر جعله ينهدم بيتها

العبيلي لعبة المسباح في كف المغني=كل مالوح بمسباحه نظم طاروقه
لوحيلي بالجديل وبدعت القيفان مني=القصيد الي يليق اشري وبيع بسوقه
في وصوفك ياغنج يام الجدايل فني=ودي استر مابقا من شرهة للروقه
حن قلبي حن بوز فالنفود ايحني=الدبل عيا ودزق وفحمته محروقه
ان وقف نشبت ولا حوله شطير فني=ون مشا مشي الندم ويسبها الي يسوقه

كلما غايبت لك يومين جيت اتوني=صبغة العشاق من راع الابل مسروقه
واضحه في طلتك واليوم خذها مني=لاندب عاشق ولا ردة صدا معشوقه
لاتعض براس نابك من ندمك السني=يعرف الملتاع من حرده ومن طاروقه
من جرح قلبه فراق الولف كنه جني=يهرف اهراف الذيابه من بليس ايسوقه
وانت نصف العام وبال ونهار اتغني=كنك اتقول الغضي بيت الغزل من فوقه
لو حمسك فراق من تهواه حمس البني=كان قلت اللي يبي ذروات يلحق نوقه

‏

ابا اكتب لك بويتات قبل تجي سبع=شجى الهجس صوت طوير وسط النخل روعه
من روس النخل ينزل ويشرب من النبع=مهاجر يخطط مع رفاقه لمشروعه
اعجبني غناه وذكر القلب بالربع=على شوفهم كبدي من الوجد ملطوعه
انا عقبهم ما اهنا بريه ولا شبع=واثار الجفا تنشاف فيني ومسموعه
شحوب وحنين وونتين اصبحن طبع=اقفاي النهار وونةٍ تسبق طلوعه


‏