سلام ومسا ورد المصايف ونفحة عود=على من حضر ويشح ريحه عن الغايب
بليا قصورٍ به لكن لجل صبح ايعود=ويجي مذعن لرغبات ربعه وهو تايب
انا يابعد من لي ليا هب نسمة نود=تطري لي واجيب اللي حمام النخل جايب
اجاوب حمام الورق لاناح فوق العود=وهميل الشقايا عقب صفوه يجي رايب
يسير الوصل دربه تعسر وجابه كود=تفرعن وشاخ الياس وامسا الرجا خايب
ياكثر الرسايل جتك مني ولاش رددود=ولا زلت اروم زيارةٍ لك وانا هايب

مضت ليال العيد واليوم ذا عيد=بعودتك هزاع ورجوع غزلان
برجوعهم شيلن /بنات الزغاريد=ما اعرف ازغرد واخر الحلق وجعان
يامرحبا ما داجت النوق بالبيد=وما غنت الورقا على خضر الاغصان
ترحيبةٍ ماهيب مره/ تراديد=مضمخه في ريح كادي وريحان

اقول؟ والا اسكت؟ وانا ودي اقول=الصمت ملقوف الحكي لاف كابه
نقش الصفا ما قط انا جبت منقول=هجسي رثا قلبً وليفه غدابه
حسيت فيه من المعاليق متلول= خذه هبه مني بصورة نهابه
وخوت ضلوعي كنها عصف ماكول=من دونه اثر الجاش يصبح خرابه
عاقل بهم وليا تخلويت مبدول=اناوح الورقا واعو الذيابه
ان لاح برق اذكر ثمانن كما الول=وخده قمر خمسة عشر له يشابه
شروق ماض ومقبل الوضع مجهول=ينذر بضيق وكتم صدر وكآاااابه