علامك اليوم يالورقا بصوتك تجرحين الشعور=اتروجعين النواح من البلى ما انتيب بي شاعرها
الجار في سلمنا يدخل على الجار الحزين السرور=وانا اخبرك بالهديل اللي يسلي سامعه ماهره
جاوزت سور الطفش وإيلاه باني لي ورا السور سور= وما بينهن يحفي اقدام الصبر مشيي به مغامره
انا اشهد انه لحقني جور منك ومنه من فوق جور=من صار بعد الوفا سيف الجفا له كم شهر شاهره
زود الغلا مثل زود الكره بالغالي يسوي غرور=مغليه ينغث من كثر التغلي ينكسر خاطره

لو ان حفتر يساعدني ويرسل لي كتيبة جنود=مشيتهم من عريق الدسم لين نشوف نور المويه
ما ابي سلاح وذخيره كل جندي معه كسرة عمود=وابدا بمن هو بفية كف واقول احزموا لي يديه
ونمشي على طول والممشى من المفرق مغرب سنود=ونمرح بسفوات والفراج لا اصبحنا هجمنا عليه
ونكلبشه في كلبشة ناقده والعسكري له يقود=والريم لو هو يرتع بالطعوس ليا خلصنا نجيه
ميلاد هالربع برج الثور ما ولدوا بسعد السعود=اجل ما شفت الجماعه بالدفاشه طالعينن عليه