شالسالفه ياضيقتي ما تغيبين=حول السنه لك في ضلوعي تواجد
اما عشق والا جهل ما تعرفين=والا نصيبي لك على الدرب قاعد
يومي ليا مريتي الحقل واتجين=ولك الحمام بنوحه اكبر مساعد
كانه جهل بانصحك وارجوك تكفينن=بالهمله اخذي كورس عند الرواعد
اقصر غياب لراعدي فوق شهرين= والراعديه شهر/ماهي تباعد

شرفت ما كلفتنا يالشقاوي=زيارة ابو زياد تسوى ملايين
انا لشوفة مثل شرواك هاوي=يامرحبابك يوم مريت واهلين
انا اشهد انك فرخ حرٍ نداوي=من روس قومٍ باللقا تقضي الدين
آلاد غابي ممنين الجلاوي=مهفين دم الجوع بالعسر واللين
توحي لماوي النجوره تعاوي=قبل تنادي للصلاه المواذين
تنادي اللي مشتهين القهاوي=المضرمين اللي مع الدرب سارين
لسلطان ذا معذار اخوه الهواوي=ومعها من الكنمبودي الزين لو نين

ياهلا عقب جفوى يالبطول الصريح=ياوريثه لعرقوب بمواعيدها
العذر راح شرق وراح غرب الصحيح=جملةٍ قبل قايلها وابا اعيدها
كنت ابا اقول لك ترا الملصق يطيح=بس ضيقتك مهما صار ما اريدها
لو طمعت اني انسى بالبعد واستريح=كان من طوكيو مريت مدريدها
ولا قدرت اقفل ابويبٍ يجي منه ريح=حيث ريحه حياة لروحي وعيدها