بسم الذي من ابرهه حصن البيت=وبطيور ابابيل اهلكه قبل فيله
ومن بعدها يامن يجوب السباريت=فوق اشهبٍ يعجبك لا افتر ويله
لااصبحت واسفرت وقدعت وتقهويت=خل الكفر بالخط يزعج عويله
وجهه مشرق تاصل طويق لا اضحيت=تبداه متسند بطلعه طويله
وليا دخلت العارض وفيه صليت=ارتاح بالمسجد دقايق قليله
ارق المناره ان قدرت وتعليت=اصعق وقل يامن لها امرٍ تجيله
مرسول مرسل لك بلازم ووفيت=علمٍ شفاوي معي وابغى بديله
يقول انا بالعلم يابنت ما اخطيت=ولا للخطا بيني وبينك وسيله
ما اضعت شي ولا من الواجب ابقيت=زين النباهه والذكا ياحليله
وام القرون امزوح فيها تغنيت=وراحت مع الدنيا بتسعين نيله

حضرة الخيال والجوهره يالطيبين=افزعوا لي ياجماعه على ريم الفلا
والله ان خبري بها قبل هالتوه فطين=ولا يزال الظن /..الا بعد هالرد لا
ما بغيت ازيد بمغامره فوق اثنتين=ثم لي ينقال يالذيب ماواك الخلا

على شان عينك كم كتبنا من القصيد=نختل الشوارد زحف للشم نتسلق
صباحك سعيد وعنكم المرهقات ابعيد=وانا وين احيد وخاطري فيك متعلق
رد عيون شلوى ولغزال النفود الجيد=وعط البدر نوره وانت بالحيل متألق
انا جاب بي ياسيد السيدات العيد=مسيري على رجلي وتبرالي محلق
بجو الغرور اللي يغث الحشا وايزيد=لهيبه وموسه يجرح الكبد ويشلق
معاليق قلبٍ مانوى من شقاه ايهيد=رغم هرج شمات وعذوله ومتملق