ياحزب الرعد بقيادة محمد الفراج=محنّك ومتْميز وحاصل على الجوله
كذا الجو معجبنا ولاعاد فيه ازعاج=وطاقتك بالإبداع والشعر مأهوله
صعدنا بك القمة ونجمك بدا وهّاج=ونورك يشع ويكشف الأرض من حوله
أهنيك بأعضائك بعَد عمّك الإبهاج=هداياك ورد وعطر توله بعد توله
وحزب العواصف ضاع صوته وجاه إحراج=وعنده مشاكل كَم ماهيب محلوله
قفلنا عليه الباب بالقفل والمزلاج=وشلنا عليه الحمل والرجل معقوله
ولاعاد همونا ولاعاد فيه إنتاج=حقيقة ترى تنشاف ماهيب مجهوله
ترى حزبكم يالربع حنا نشوفه داج=ياليت الهواوي صب هيله على فوله

هلا مرحبا ما اسود فوق البياض الزاج=من اول صدق والليله امجامل اقوله
لانك جعلت لمن خفس بالوطا معراج=محالٍ لو ايحب الرعد كوعه ايطوله
موتركم بعد هجتك لافوه بالكراج=اسلاك الظفيره منه من شهر مفصوله
وانا والله اني ما اصطي اقول صالح داج=لكن يالبناخي عاقب الشتا بزربوله
اتلى العلم في ناقدكم امعقب الافلاج=ووجهة زعيمك يابيض الوجه مجهوله
وسويت انا للريم عقب الصداع علاج=وعلى وجهها ما جت ولا دوجت حوله
واشوى مابكم صارت جواهر وفيها خلاخ=لبابٍ خرجتو منه بعيونها حِوله
لكن بالصحيح الجوهره تستحق التاج=تكافح كما عن خيها كافحت خوله
ليا قلت هيا جوجو اتقول فيه افراج=وامست في مراح حزيب الافلاس منطوله