يابحر دخت من السفن والبوابير=وأشكي عليك الوضع وتقول عادي
وأغيّر أسلوبي وذا الرد لاغير=ممل روتينك وعندك مبادي
تخضع لمد وجزر ضيف ومسايير=كيف أدري إن الموج يابحر هادي
والانتظار أشعل بصدري دوافير=والله ماعاد أقواه والصبر غادي

ياناصر بن عبيد مسيت بالخير=تشكي عوار الراس وتقول زادي
صحيح ماعندي لحالتك تقرير=لاشك بعطيك الكلام الوكادي
لاجيت للشاطي وموجي طوابير=وأزريت لاتعرف وفاي وعنادي
هداوتي لاهنت مع حايم الطير=لاأوحيت صوته في سمايه ينادي

يامعشر الشعار حامي حامي=ومخصصه لمحمد الغنامي
الأوله بنقول يالله حيّه=وإعداد من صلى وحج وصامي
والثانية إن كان تبغى الزبدة=البحر الأحمر مايسد الظامي
حزب الفلس لاهنت خله خله=عند اللقا ماهوب حر قطامي
لو زاد دبكه فالمعشى قريب=لازال في غبنه وجرحه دامي
ماشَبّهه في قوته في شكله=في هجمته ألا بفلم درامي
رح وانشد كديميس وش سوابه=يوم السجن منا غشاه عسامي
يقول ناصر يوم شاف الصمله=الموت خلفي والبحر قدامي
شجاع لكن قوته مافادت=روَّح مراويح البطل صدامي
(ودامس)لسانه يلتهب كالحيه=صحيح حيّه بس ماش عظامي
يزحف على بطنه ويلوي ذيله=ويفهق ليا مني شهرت حسامي
(ولاالرعد)بحرٍ وقاعه دانه=من دونها تيار موجٍ طامي
ماقلت لك غير الكلام الواقع=اليا وردنا نروي الحيَّامي