خفير السجن وين السجينه لعلك للصلاح=الاعمال ياخيال باهمال ماهي صالحه
ضرب داخلي باعصابي الماص يوم البرق لاح=وزادت شقا قلب العنى من عناه النايحه
عسى وحده بوحده وتبقى القلوب إبها اصحاح=وسور الغلا لوهزته ما تطيح اللايحه
هنا منزلك مقفول ما تدخله ذات الوشاح=سوى حضرتك من غيبتك عنه كلٍ شايحه
على نهج الايحاء قيل وش تنتظر من بعد راح=وانا اقول نبض القلب يقول ماهي رايحه
وانا ودي اسمع منك علمِ يزيد الانشراح=وعلى اهل الوشايه والحسد ترسلينه جايحه

ارحب واودع بالسجن من يجي وايروح=تقول المدير بهالقضيه مكلفني
واغني واسولف والعتب بيننا مطروح=وضميري على بعض الطواري يعنفني
ولولا الحمام اللي بخضر الجريد اينوح=يثير الكوامن فيِّ لكن يشرفني
هديله بعض لحيان فيني يرد الروح=سبب غفية عيوني وسبة سهر جفني
على الذكريات يردني لاسجع وابوح=بما اخفيه للي جاهلٍ بي وعارفني
انا بسد نضم الولو الباسم المملوح=لاتقطع وصالك كان ما انته بعايفني