هبوب الصبا مري على الخافق الملتاع=ومري قبل تكفين في دار من لاعه
عسى في مهبك للامل به بصيص اشعاع=ابشر بها روحٍ من الوجد ملتاعه
تكفين ان حصل من يمة سهيل لك ذعذاع=هاتي للمعنى منه ما يبري اوجاعه
كلام او سلام او ريحه لما يصير قناع=لمحياً حوى للزين والطيب بانواعه
لوجهٍ يجي له من ورا شيلته شعشاع=ومنتوق عنق بنية الريم مرتاعه
مشاعر موده من وله له عطاش جياع=لو الشوف في صوره وصوته بسماعه
نصحت المهبى مير قلب الشقا ما طاع=عن اغلى الغلا لاسمع يعطي ولا طاعه

الذيابي جاز له جو السجن=او هرب ساعة دهن سير الخفير
من زرع بارض الدنانير انتجن=ما يبي له رش ديم وحفر بير
اتجهنا يمته يوم انسجن=والقرايح من فرح كادت تطير
درهمن في مشيهن ثم عرجن=ووقفن وبركن عقب المسير

نصور اثر فينا شيوخ ومساكين= وبالواننا ياورع فاتح وداكن
وبقلوبنا قسوه وفي بعضها لين=مثل اختلاف الازمنه والاماكن
وجهٍ تعافه لو يقول ارحب اهلين=ووجهٍ لتقبيله لو اقفا تماكن
عرفت انا ارقام وحروف وعناوين=ونويت افسر حسب فهمي ولكن
اخاف تنفخ بالعلوم الشياطين=وكثحتهن قلت اذهبن وابهواكن
انتن طلاسم هالعشي جابكن مين=ذياب ريع جياع يوحش عواكن