![]() |
|
![]() |
انشر الموضوع |
|
أدوات الموضوع | انواع عرض الموضوع |
![]() |
#23385 |
![]() ![]() ![]() ![]() ![]() ![]() ![]() |
![]() صحت السنتكم جميع .. وماشاء الله عليك شاعرتنا
شعلل السجن بفرائدك .. وتساؤلك عن الآخرين في محله .. وقد تكون فترة الإختبارات عذرا لهم .. فلهم العذر !! ^^ تسلية أيضا .. وتسلّيكم العوافي ،، يا هجوسن كلما نسنس الرايع تثور= وكلما هدّيت روعي تجيني ثايره من صبا نجد العذية هواها كالبخور= يوم هبّت ريحها شفت روحي طايره أنتشى هاجوس فيني وفي رأسي يدور= والعيون إتلامست من تلامس( وايره) وأنسكب دمع المحابر وسالت في سطور = والتقى مع سيل شوقٍ غدت متسايره والقوافي ساعِيَتها وتسبح في بحور = ما عيَت بالحِمل لو كان حَملة جايره ذاك حال الشعر .. والحال ما هو بالجسور= من حمول الصبر ظلت عزومه خايره ^^^ وصباحكم خير |
![]() |
![]() |
#23386 |
![]() ![]() ![]() ![]() ![]() ![]() ![]() ![]() ![]() |
![]()
صبآآآح الورررد
للجميييييع تسالي آخر الليل الطير يشكي ضيم الايام للريح والريح تكــسر ســـاعده بالهبايب هذي الدنيا مجافي وتجريح فيها حظوظ الناس خايب وصايب ......... وجدي على صبح الصباح المعطّر من ريحة الدله على واهج الضو عقب " الصلاه " وبارد الجو مطّر مابعدها دله ولا بعدها " جو ....... تبقين رغم فراقنا : عمر الأحلام والملهمة ، والغالية ، والحبيبة بيتك هنا فالقلب ، ياملح الأيام ماأنتي على بيت المحبة غريبة ! ..... على آول مرحله في سكة الوآفين : ي كثر اللي من إيدين آلوفآء .. تآهو تجردك الموآقف لآقست .. " وتبين " ويبقى الطيّب .. الطيّب .. على مآهو ،،،،،، لآ تـنآم ليـلك و آنت شآيل على آلنآس سآمح ترى كل آلمخآليــق يخطــون خـل آلخفوق آبيض من آورآق كـرآس و لآ تمسي آلآ ذآكــًر خآلـق آلكـون .... لا تغرك الدنيا بحلو الملذات أكبح جماح النفس وخالف هواها وابعد عن دروب الردى والمتاهات ترقى نجوم الكون وتبلغ مداها ..... توسّد الغيم يا أحساسي النادر مكانك الغَيْم دون الغيم لاترضّى |
![]()
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك ![]() |
![]() |
#23387 |
![]() ![]() ![]() ![]() ![]() ![]() ![]() ![]() ![]() |
![]()
أنا في عفيف مولع القلب ما أدري ليه
غلاه انطبع بين المعاليق واشقاني أحبه وأنا ما لي مصالح ولا لي فيه عماير ولا بيعه ولا نيب سكاني إلا من كل للإجازه طرا طاريه تركت السفر للشرق والغرب بالعاني توجهت لديارٍ هواها العليل اشريه تقول أن فيها صوت داعي وناداني تمشيت فيها لو ضحك واحد ناسيه ما بي الغرب لو جات الحجوزات مجاني هوا نجد هو شفي وروحي عليه اهديه ولا ابيع حبه لو بغالية الأثماني صحيح الكلام اللي زميل الوفا بانيه صدقت بكلام المعرفه يا *ابن شاماني ترا كل قافٍ لك بنجد العزيز جنيه وفي وفاك لموطنك دون الأوطاني عصام المرشدي، |
![]() الخط يبقى زمنا بعد كاتبه ،،، وصاحب الخط تحت الأرض مدفون ![]() |
![]() |
#23388 |
![]()
حزب العاصفه
![]() ![]() ![]() ![]() ![]() ![]() ![]() ![]() |
![]()
صباح الخيرات والمسرلت يالربع والربعات
ابدا بشاعرة نجد ومجاريات السلاطين الله يرحم ابا مشعل بصراحا ما ياتي من الماضي يهز الوجدان ويهيظ القريحه وصح لسانك على الجديد والقديم ابو عامر مجارات كايفه ونايفه ولاهنت وولم الهرافا يالقرم هههههههههههههههههههههه ان شاء الله بس ابا انسق مع الناقد اهلا يالذيابي بصراحه مبدع في حقك قليله الخيال حييت ودمت وسلمت (مهب)عن ماهيب او اختصارا لها في هالكلمه اكتشفت ابو مشعل رحمه الله كلما دخل باسم مستعار اهلا يارحيل وسلمتي ودمتي سعود العتيبي وش بلاك تويق وتقبع على قولهم شاركنا كذلك العاصمي الناقد تقول خلصت من الاختبارات؟؟!! ريم الفلا وينك؟ كذلك العواد والفراج والعازمي والرويلي وعد واغلط |
![]() ![]() |
![]() |
#23389 |
![]()
حزب العاصفه
![]() ![]() ![]() ![]() ![]() ![]() ![]() ![]() |
![]() خيالنا بنت ابوها واقت وراحت ولاجات=قل للذيابي امانه لايخلي بنت ابوها قل لانويت التحرر شد بيديها الكلبشات=رغيب خبري بها كل الموايد قربوها وان عارضت قل صدر مرسومنا هيهات هيهات=هالعاصفيه جديده لاتمرد وادبوها وان قالت مرشحه والا مريضه قل سلامات=برد الشتا لازم ايصيب الاوادم كلبوها ومن بعدها ياشجيع مطير اخذ مني هالابيات=لها من الصبح في فكري تنغمش واكتبوها ابات ليله بعد فرقا الغلا وليال ما ابات=الهجر ملعون جده والقطيعه لعنبوها الكون لالبس بشت الليل خده تقل لمبات=والشعر ذيل العبيه لامشوا واستجنبوها والجيد جيد الغزال اللي جفل من صوت طلقات=شاف التفافيق شوف العين وامه صوبوها احن من هجرها صاحي واجر ان نمت ونات=فرقا وفرضت وانا حسبي على من سببوها |
![]() |
![]() |
#23390 |
![]()
حزب العاصفه
![]() ![]() ![]() ![]() ![]() ![]() ![]() ![]() |
![]() اخطيتي على قلب دله والخطا مدموح=الارواح ما ضيها ينقض مواجعها على كل حرف امر مرجل حشاي ايفوح=تجي تنطق بما اكن نفسي واقاطعها ماودي لاشك اخافها بالكنين اتبوح=ويرثع بها اللي ما يحدد مواقعها غَمْرٍ به على التحليل والخرص زود اطموح=يجمِّع عباراته غلط ما يسنعها واصغي لرجفان اللي هنا والنفس مرشوح=واهدي براكين المشاعر واقنعها |
![]() |
![]() |
#23391 |
![]() ![]() ![]() ![]() ![]() ![]() ![]() ![]() ![]() |
![]() اقتباس:
خيالنا بنت ابوها واقت وراحت ولاجات=قل للذيابي امانه لايخلي بنت ابوها قل لانويت التحرر شد بيديها الكلبشات=رغيب خبري بها كل الموايد قربوها وان عارضت قل صدر مرسومنا هيهات هيهات=هالعاصفيه جديده لاتمرد وادبوها وان قالت مرشحه والا مريضه قل سلامات=برد الشتا لازم ايصيب الاوادم كلبوها ومن بعدها ياشجيع مطير اخذ مني هالابيات=لها من الصبح في فكري تنغمش واكتبوها ابات ليله بعد فرقا الغلا وليال ما ابات=الهجر ملعون جده والقطيعه لعنبوها الكون لالبس بشت الليل خده تقل لمبات=والشعر ذيل العبيه لامشوا واستجنبوها والجيد جيد الغزال اللي جفل من صوت طلقات=شاف التفافيق شوف العين وامه صوبوها احن من هجرها صاحي واجر ان نمت ونات=فرقا وفرضت وانا حسبي على من سببوها الله الله يابو عبيد صح لسانك ولاهنت يالامير أنت بس أشر بطرف أصبعك , ولا تبيه يحصل |
![]() |
![]() |
#23392 |
![]() ![]() ![]() ![]() ![]() ![]() ![]() ![]() ![]() |
![]()
يامساء الورد والريحان
صح لسانك يالدنيش ولاهنت صح لسانك ياابو عبيد يالجزل صح لسانك يالذيابي مبدع وجزل صح لسانك شاعرتنا مبدعه يالغلا صح اذواق المتذوقين هلا بخيال ورحيل والجوهره لاعدمنا حضوركم |
![]() ![]() ![]() |
![]() |
|
|