يالشاعره ماقط انا جبت القصيده بايته=اقلقل القيفان في فرني واحط بمنسفي
ولافي قصيدي طهبله ومهايطه ومهايته=هجسي يترجم فكرتي بابيات عن ما اقصد تفي
وكلٍ له ميول ويمارس بالفنون هوايته=وهوايتي اغزي على متن القريحه وانكفي
بمثايل فيها يقص الصب كل حكايته=بذكريات وكل ما مر امكنتها ياقفي
ليت الوقوف بساحة الاطلال ذيك نهايته=لكن خده فوقهن من كثر ما يهمل حفي
يزبن لحظن الود لوهو من حظينه شايته=وما يقتنع حيثه يعرف انه من اول له دفي
لا اقفا النهار وجلله ليل الشتا عبايته=فرايصه من ثلج هجران الحبايب ترجفي