الجو مشمس ولكن الهواء صلف وجنوبي=ما هو مغبر وانا احب الجنوبي لو به غبار
استقبله وانتشي ريا الغلا واملا جنوبي=حب الهواء لجل مر الدار واعشق ساكن الدار
لي بس مطلب وابيك اتحققه لي يالهبوبي=لي عنه عام وعليه شهور قلي بس وش صار
البس غلا الترف من ساعة عرفته لبس ثوبي=وانزع ثيابي ولا انزع حبهم وثيابي اتغار
نوب يهدا الشوق لا جالست احد ويهيج نوبي=واحاول اكتم حنين القلب لو مابالهوى عار

تمايل على كيفك وهز السعف بالهون=مثل ما تهزك نسمة النود هزتني
واركد لجل نسمع للرواعب عليك لحون=لو زادن عليك الحمل حطه على متني
ولا تعتذر لو ذا حصل منك انا الممنون=انا باعتبرها تحفةٍ منك وصلتني
انا احب ذات الطوق يالنخل حب جنون=لوهي كل ما سجيت ناحت وقزتني
الورقا تمون ونسمة النود هَمْ اتمون=هذي ذاكره والنود من يمته جتني
بريا محياً بيِّح الخافي المكنون=لماضي تولت ذكرياته ونادتني

حجز ملكي ولي عوده ياعلم
.

ياامير القوافي جيت رسمي وباحييك
عزفنا السلام ولك تحيه على حجاجي

وتستاهل التقدير والطيب مع طاريك
ونجمك تعلا فوق ماعاد يحتاجي

وساما" على صدر الشعر كاتبه ماضيك
وحاضرك واسمك بالسماء ضوء وهاجي

ارحب والاماره بالقوافي تعود ايليك=ولبو بندر وهزاع وايضا ابن فراجي
ولريم الفلا ولشاعرة نجدنا يابيك=وسجين الرواسي وابن عواد هداجي
ومن محمد الروقي ومن الغامدي تاتيك=درر ناصعه محفوظه بعلبة العاجي
ودليل على ما اقول يالقرم فيه انبيك=فرسان الشعر ماهيب للسجن تنعاجي
والا انا اتعلم من تغيب إل صياح الديك=امحى ذاك واكتب ذاك واعبي سراجي
وبالميه يجي منهن ثلاثة عشر ترضيك= والباقي حسافه ينصرف فيهن الزاجي
لكن يالسنافي مرحبا ربك محييك=على قولتك ضو التماثيل وهاجي