هلا بالرحول اللي لفت فوقها الخيال=ياطيبه ما طاح وهو يهندس مواضيعه
يبحث بامهات الكتب ويرتب الامثال=ينخى العم قوقل بالصعيبات وايطيعه
يكابد براد الليل ويدوس حر اللال=لو سرحان شافه مقبل ايهف مع ريعه
كتبت إلك واكتب لك وبمكاتبك ما ازال=لكن ما وصلني من ردودك سوى الضيعه
دع الهرج او نح السوالف لذات الخال=واذكر قدها اللي يعجبنك تقاطيعه
يجي بالعقول الناضجه لو تراه هبال=تشري من تلد بعينها فيه واتبعيه
ورد اب بدر وعيون وحواجب وقوس هلال=تضمي سلهمتها عاشق الرمش واتجيعه

ظنك خطا ما اصاب عين الحقيقه=لا مانسيتك والذي بك جمعني
كلش ولا النسيان ما اظن اطيقه=(نسيت)ما اظنك تعي ويش تعني
نعمه ولكن ماهي اسهل طريقه=اسهل احب الكوع لوهو وجعني
احياك امل يادوب يوضي بريقه=واموتك بياسٍ لهيبه لطعني
بين الحنايا العوج ولع حريقه=عقلي شمات ايقول كم قلت اطعني
اصبح ولك كل المشاعر امفيقه=والشوق ارده عنك ويقول دعني
وامسي وعيني لجل عينك غريقه=ونومٍ وسع كل البشر ما وسعني
هذي شروح لما تظنه /دقيقه=وهذا هو اللي عن(نسيتك) منعني