ليه السجن قلّ التواجد فيه
ظْرووف والا كلّه مْن البرد

جب مبدعين الشعر ياقاضيه
واجْرد اساميهم هْنيّا جرد

هت كل واحد,كلبشِه بيديه
لو هج مع ذيك الصحاري الجرد

وان كثّر الاعذاار مانعْفيه
ونْجيب له مع التسالي ورد

صحّ الله لسانك,شاقني حرفك الفريد
يازين القصيد العذب شوحه ومنضوحه

تغريد الطيور اللي وصفته على الجريد
ونوح الحماام,وقصته معي مشروحه

تهيضت واعزااه ليت القصيد يْفيد
وليت الحروف لياتغنّيت مسموحه

والاحي حمام الورق بمحمية ابوعبيد
وعلى نوحه ارسم صادق الوجد في لوحه

ولايروح مني بْعيد لا والله الا يْعيد
ويزيد الخفوق اللي حرق صدري بْفوحه

على ناار ذكريات من مات بالتحديد
وعلى من غيابه دمعة العين مفضوحه

ولو ان الرحيل يفيد سافرت للمدريد
بـ اهاجر بروحي بس,والروحه الروحه

واخلّي جميع الذكريات وعساي اهيد
شينه وزينه من سماا الفكر ممسوحه