العاصمي وش قال ياطيب عينه=بزيارته للسجن فرحٍ وممنون
لو قال مهما قال ما كنت ادينه=ضمن الضحايا لو بكو ما يلامون
فرصه اضافيه توفر ايلينه=يشيد القمه حسب ما يقولون
اكتب كفالاتي واكلبش يدينه= بالليل كان امهل لنا خالق الكون
وفطاحل القمه يسار ويمينه=ونشوف لاطاح البطل وش يسوون

اهلا بالعاصفيات طال عمرهن على الطاعه
ــــــــــــــــــــــــــــــــــــــــــــــــــــــــــــــــ
يحمسن العاصفي عاصفيات=ولجل يحمسنه يجيك امتحمس
ما قط مر الا كتب عدة ابيات=مره يثلثهن ومره يخمس
تحدث بميدان الخصوم انفجارات=ماهيب تقتل بس تدوش وتعمس
تلحظ على وجيه الشيوخ انبهارات=ولاشفت شمطا قلت في هالمره مس
ولا عاد بيدين الرواعد خيارت=اطيبهم اللي حامسه حزبنا حمس
والقمه اللي ليتها كان ما جات=يمكن بعج خيولنا تنرمس رمس
هيهات ياهزاع يمديك هيهات=اقولها بالجهر واضمر بها همس
انته وابو بندر وسمو البنيات=على الكثير اسبوع يحدث لكم طمس
لاتحسبون الامر كله سهالات=ترا الوعد مابيننا حموة الشمس

تسلم يالعازمي وصح الله لسانك وكفو ما انت بسهل لكن ياطول ليلك ان طاولتك العاصفه هههههههههههههههههههههههههه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حضور واحد ينوب عن العواصف جميع=ولا اشتدت المعركه نجي لها كلنا
نخاف لو كلنا جيناك زبدك يميع=وضيم الفريد الوحيد ماهو بطبعٍ لنا
استهد بهداية الرب البصير السميع=وانشق عن حزبك الهالك وميِّل لنا
ان كان لك حظ يارجال يمكن تطيع=وان كان ما طعت ماحظك بحظٍ لنا