المشاركة الأصلية كتبت بواسطة عاشق المقناص

اتغزّل بالحروف الأبجدية = واتخيّر لي من الصّفوة عروسه
عيطموسه مترفه عذرا صبيه = مابعد دخلت على سن العنوسه
مهرها غالي وحاضر في يديّه = ماتسلفنا من التاجر فلوسه
راسها مطنوخ كله عنصريه = جعلها من عين الأنذال محروسه
جت تمخطر في مقام اهل الحميه = بالكرم والطيب والعز مغموسه
وفاح ريح الطيب قبل الشاذليه = وقبل حتى الضيف لايكمل جلوسه
الامور مرتبه بالأولوية = مانبيها فوضويه ومعكوسه
ناخذ الدوار حسب الأفضلية = مانخالف بالنظام ولا نحوسه
ونظرتي للمجتمع نظره قويه = بآخر الايام الأوضاع محيوسه
ويش حصل وسط البلاد اليعربيه = الخطر شامل والانفاس محبوسه
والبلد ما بين شمس وبين فيّه = وكل واحد يلتفت ويحد موسه
وكبرت الدعوى وصارت عالميه = والسبب عد الروى كثرو عسوسه
والخوي قام ايتبرا من خويه = وكل منهم للفتن تضرس ضروسه
والدواعش والعقول الفارسيه = تنخر عقول الاوادم نخر سوسه
وطبقت تفكيرها الناس الغبيه = تتبع الغرقان وتطبّق دروسه
امرهم بيدين مجهول الهويه = يلتوي بالدّر ويحلّب ديوسه
دورهم كومبارس وسط المسرحيه = وراس زراع الفتن مبعد رموسه
واشعلوا نار الحروب الطايفيه = وصار هوساوي يشك بدين هوسه
وساعد العابث شذوذ من الرعيه = السهام سهامنا والقوس قوسه
والوطن يحتاج وقفه صيرميه = اعشق تراب الوطن واسجد وابوسه
قالها سلمان ومحمد وليه = قبل لايدوسك زعيم الشر دوسه
واللسان حصان والنيه مطيه = في مكان الطيب زفيت العروسه