لا تشره ياخفير السجن حقك باقي=لو سفهنا كل من في السجن ما اسفه شخصك
بس انا فلاح شاوي وانت بيه وراقي=اتضح لي مستواك المرتفع من فحصك
يابعد كل العرب ويش انت مني لاقي=ما تجيب ليا سألت اظن ذا من حرصك
انت لك بالحبس ياخيالنا استحقاقي=لاتجر النار من قرصي ليمة قرصك
تندبل كبدي من هروجك وارد اشتاقي=هكذا دايم شعوري وانت وشهو خرصك

ياخفير السجن كان انك قريب عندي=فك قيد العازمي خله يدور ذوده
لاتقلب راسك اللي مثل راس الهندي=طالع بشمط الرعد ثم احبس المقروده
ارسل لريم الفلا من قبل تصبح جندي=مع طلوع الشمس بكره بالسجن موجوده
عاصفتنا مغرمه في حبس كل افندي=وبالافنديه ترا ريم الفلا معدوده
ولا تصير ابخيل غد الريم هرفي مندي=والكريم اللي يجود لمن لفا من جوده
كلما غنت حمامه فوق غصن الرندي=وسمعتها ريم تسمع لك قصيده شوده