يالجوهره وين الرواعد مولين=لا راعدي شفنا ولا راعديه
من قبل خمس ليال يادوب ثنتين=غمام وانتي والليالي مديه
ما ادري لكن الله علم مين ومنين=تبذل جهد هالبنت ماهي رديه
غلطة عمر تصفق على الغلطه ايدين=ولاهي على حزب الدمار امحديه
كلٍ يقول ويظهر الحق بعدين=ويعطى المحق من المدلس هديه

خيال وش هالطاري اللي مصحيك=صبحك غيوم ورش وبل وسعاده
ولو السؤال ايرد يمة محاكيك=اقول انا لي قلة النوم عاده
تابع ما اقوله بالمثايل ويكفيك=يبين لك زيف الحكا من وكاده

عن وينك ووش سويت والى متى ولوين=من اليوم بالشمع الحمر باقفل ابوابه
تماديت في بكره/وتفرج/وفي بعدين=تسويف وتمادي بالتحايل وش ابغى به
تحملت صبرٍ ما يطيقه جبل فرقين=لو قاسا ما اقاسي هالجبل خالط اترابه
من المرمغه والبهذله والهجر والبين=شيٍ بحت فيه وشي ما احب يدرابه