لاتتعب خفير السجن انا اجيك ما يحتاج=الناقد ياربي وفقه وين ما وجه
يده في تلابيبي والاخرى على المزلاج=وانا خابره من قبل ماكان به رجه
هو ومحمد وريمه يبا ينطحون سواج=مفاهيم هالاجواد بالحيل منرجه
تقفا المطر قبل آصل لديرته عجاج=ولو قلت ماشفته مالحدٍ علي حجه
ولا يكذَّب العساس بارضٍ عليها داج=ليا خالفه بعد انجز مهمته عجه

يانهر انا بالحبس مغرم وولهان=لمن صدَّر امر الحبس ابا ارسل تحيه
وانت الخلف للي سلف ياكحيلان=بكره تكرفس فيه والشمس حيه
لكن قض اشغال ربعك من الآن=وبكتب انا سيناريو مسرحيه
يمكن بوسط السجن تبدع بالالحان=تجيبها من كل صوب ونحيه
اما غزل في قد مدعوج الاعيان=اللي تقول ان شفت زوله ياحيه