عل السحاب اللي هواها يسوقها=يسبل مطرها ما تخلب بروقها
اخيلها واجذا عن النار دلتي=وينسى العماس الراس من قبل اذوقها
خبري بمزنة صيف لاانشت تقشعت=تمل ولا تمل بصادق حّقوقها
وهذا على حماسة الربع ينطبق=شوط العَشَار اللي تلحس شدوقها
لاشفت نمله ريشت ثم طيرت=فاعرف ترا هذا علامة نفوقها
ومن بعد ذا ياهاجس الشعر مربي=على بلدهم وادرج بي بسوقها
يمكن تفوز العين منها بنظره=تطفي من الكبد العليله حروقها

سعادة خفير السجن لا تطلق الفراج=لو حزبه يجي له كل ما امسا المسا لجه
صمته فيه ريب وخط سيره بقا منعاج=ومناديبنا بالسجن قالوا يبا الهجه
لو يجيب لك كمبودي بوسط علبة عاج=او يقول فك الباب عني ولك حِجه
ويدلج هجس ناقدهم بليل القصيد ادلاج=وريم الفلا تاخذ مع ابداعها سجه
وتبني غمام من القصايد فلل وابراج=وجواهر تصيح وترفع الصوت محتجه
بعد كل هذا يمكن نقرر الافراج=بعد مايقر اعضاه والشيخ بالدجه

اووووووووووووووووووووف= اووووووووووووووووووووووف
انعس ولا ابين يقولون لي شايب=من قالها لي عساه اتشيب رموشه
يامن لقلبٍ من فراق الغلا ذايب=يشبه لشابورةٍ بالشاي مرشوشه
فلاش من ثومته للحاضر الغايب=مصغرٍ قدر(احب)مكبر الشوشه
مخطي سلوم الهوا ويقول انا صايب=براءته ياعرب شوها ومغشوشه