يامن يحذّر عودنا تالي الليل=يزبن قبل تاصل ثعول السحابة
عان الرعد مقبل يجرّ المواويل=ناوي ولا اعلم علمه اللي نوابه
اعزّه ولاودي ايروح فا السيل=اللي تحدّر من علاوي هضابه
عادي يروّح فيه بهمان ونخيل=والددسن البالي وعامل جنابه
لكن ناصر لوغدى يارياجيل=بنفقده لو كان وفّى شبابه
وبيفقده من يجلب الحشو والحيل=اللي ورى ناصر تميّز حسابه
وبيفقده شعر الغزل والتماثيل=اللي ثلاث ارباعها من صوابه
وانا بكفّر عنه بعض المحاصيل=امّا اصدقة أو دعوةٍ مستجابة

وصل الخبر يامعطر البن بالهيل=وقد قيل ماقدر على العبد صابه
وهذا النخل يسبح بوبل الهماليل=يعجبك من فضل المغيث انصبابه
ولابه عليكم زود ملفى رجاجيل=على الشحم يرهي منوخ ركابه
ايجاز من بعده ايليك التفاصيل=ما اشافهك به بكتبه لك كتابه
دوك النجوم عقود في ظلمة الليل=لولا ضواها كان محدٍ سرايه
واللي برك للحمل واشتاله شعيل=ولو الحويشي له ايبرك ثوابه
واللي يغفر الذنب ويعدّْل الميل=الواحد اللي كل خلقه تهابه
نرفع يدينا له ليا هود الليل=ليا تحلوا النوم مهدر شبابه

ترى ما يوازي جونا فالسعودية=سوى جو موقع راسية نجد الإبداعي
الابيات مطنوخه ولو هي كيبورديه =وبرق المعاني فالسما دوم لماعي
وشيله حماسيه ونوبٍ غراميه =توسع خفوقٍ من عنا الوقت ملتاعي
ولا جيت للأحزاب ميه على ميه=وانا اماري بحزبي وله دوم مطواعي
نبي غارةٍ من شرق وأخرى جنوبيه=صداها يجي له صوت من بين الاضلاعي
ليا جر صوته ناصر عبيد عصريه =يجي مع لحون جملة اخوان من طاعي

هلا مرحبا ماغنت الصبح قمريه=وعدد ما انحنا للعاصفه راس وانصاعي
من حزبٍ بعث من بعد ما مات ببنيه=وجلاميد ثلجٍ ناشته شمسنا وماعي
مباراتنا مع هالشغاميم وديه=ولا ودنا نصمل على احدٍ ويرتاعي
نململ هذيه لين تبرد لنا ذيه=بنا يحلم النايم ويبلش بنا الواعي
وتطري بعض لحيان عين النداويه=معها يبحر القارب بمجداف وشراعي
عندي بالقصيد الها اولويه واحقيه=وارا ان القصايد مالها دونها داعي

أتـعـبـتـنـي والــلـــي خلقـنـي,وذلـحـيـن=وش ذنبي اللي فـي حياتـي جنيتـه؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
ليا بغيت اسفه كلام المغنين=واقول ما شفت القصيد وقريته
له ردني من ملهمة نجد بيتين=وهجسي باجازه من سبوع ودعيته
وترايعت لي ذكرياتٍ من سنين=ودن الجرس واحييت بالصدر صيته
وفز الخفوق ونثرت دمعها العين=وافشيت ياسر القشر ما حويته