على جدار السجن سووا رتوشي=شاش الهجوس لهاتماثيل وامليت
قوافيٍ كانت من اول طروشي=ومن معتلى فكري لها ارقبت واوميت
وتجمعت من عقب كانت اطشوشي=ودليلها ما اخطى خطا من ورد هيت
يانجم ياللي لك محياً بشوشي=يوم انت للناظر لداره تعليت
راسي ليا وجهت قصدك يشوشي=انصي التمثال لك واطفي الليت
وتبعد وتدني دار حلو النقوشي=وعنك ان وصلت لديرة الغالي اغضيت
لو طرقتي ياسهيل تروح بوشي=غير السلام وياهلا ما تمنيت
واشوف يصنع للقطيعه نعوشي=اما المواصل يحتضر او بعد ميت
حرام يهدم ما بني من عروشي=ليت الوصل له غرفة انعاش ياليت

وشلون ابا اسولف وانا ودي انام=لا لا تكذبني سبب كثر نومي
ارقد لجل طيفك يجيني بالاحلام=واقضي معه ساعه سوالف واقومي
اتلى العهد في شوفتي لك قبل عام=ما كن احد له في رفيقه لزومي
الحظ قام وطاح من عقب ما قام=وعقب مطيحه ما هقيته يقومي
اما الصحف جفت ورفعن الاقلام=والا علومك جا بعدها علومي