اليوم انا فلاح والعام شاوي=اقبل ما اسوي وين انا والايتيكيت
حتى بمعناها غشيمٍ وغاوي=لفظٍ من الوراعان موحيه بالبيت
وزبدة ما ابي ماني على البعد قاوي=وعليه هالتوه اشوفك تقويت
والله علم ويش انت ياصاح ناوي=ولا لي عليك الزام مهما انت سويت
الثابت انا اللي تعرف الهواوي=هقويتني بمعسلات وتهقويت
ومن بعدهن حسيت بالجوف لاوي=بالقلب نارٍ قبل واسقيتها زيت
وخليتني باقصا المضحى خلاوي=وهاظ الشجون غنا الرواعب وغنيت
حتى اليهودي بعض الاحيان ياوي=وتشوف مابي من مصيبه ولا اويت
مسكين من يركن لحلو المناوي=ويصغي لتنميقة احكا كيت من كيت

اقول ادخلوا خيال يالربع بالسجن الظليم=والا لا اتركوه الطق يالربع بالميت حرام
هاتو لي رحيل وكلبشوها.لاوالله هات ريم=هي اشعب اب/ بخله والبنيه تحلل للكلام
خلوها اتقضي فيه كم ليل والمخرج كريم=ربت بكبشات وجنها/ ما تخاف من الظلام
ومن بعد ذا ياحسين انا احس لي بشوي ضيم=ومثلي منه ياحسين ماكان من مثله يضام
انا خابره من قبل هالعام بي مشفق رحيم=ولا ادري بعد ياحسين وش نيته لازل عام
ومهما حصل ياحسين انا في بهو وده مقيم=انا طالبك ياحسين لا اتقول مالك به مقام
لو مره يابو هنود خلك بهالموقف حكيم=او اسكت ولا تنطق بكلمه سوى رد السلام