يومٍ كلٍ حط له حزب واختار... والله عليم بنيته واختياره
ماني وانا بن روق هايب ومحتار... ادق خشم اللي براسه نعاره
فوق الكحيله في يدي سيف بتار... راع الجهام الغاليه وابو ساره
مير اطلب الله فالسلامه ياشعار... الراس صلب وقام يطبخ سطاره
احزابكم لو يمها ألد الانظار... راحت كما الضبان حول الجحاره

النجلاء ,ناصر الهواوي معجبون بهذا

تعـش وافطـر مــن الضـبـان
واشكر حزبنآ واشكر صحونه
جبنآ الصحن باللحم مليـان
ضـبــان بالـعـيـش مـدفـونــه
مـن عقبهـن كـن الحزب الخسران
مـتـغـيــرٍٍ مـخـتـلــف لـــونـــه
يثنـي علـى مظلـم المسكـان
ويزعـل مـن اللـي يواسونـه
والشـعـر يالشـاعـر الفهـمـان
يـاكـثـر نــــاسٍٍ يـحـوسـونـه
قيفانـهـم صفصـفـة قـيـفـان
واوزانـهــا شــبــه مــوزونــه
وهـنـا الميـاديـن يآحمـيـدان
كــلٍٍ يـبـا يـشــاف مـخـزونـه

ناصر الهواوي معجب بهذا

يامحمد الغنامي الله يرعاك ... عقب منوّل كنت صاحب رعيّه
راح الهواوي بالاميره وخلاّك ... وعقب الفلس دنيتها هاشميّه
غضيت راس اصبعك والاّ شفياك... ماعاد فيها حيله ومقدريه
ارتاحت امع العود ماعاد تبغاك ... ودفّت نحرك اربع حمر ساحليه
لو جيتها تحبي على راحة إيداك ... تصمخك بالدله وبالطوفريه

ناصر الهواوي معجب بهذا

يامحمد خلك فطين وذكي وفهمآن ~
العود يبي قيفان بداخلي مسجونه ..
حطني بالواجهه في ساحة الشجعآن ~
لاجل أصيغ البيت ويبان مكنونه ..
ابي اجاري الشعر وأماشي الاوزآن ~
علني اصبح شاعره مبدعه ومجنونه ..
وقرون الهواوي على راسه تيجآن ~
ماتنكسر لو كلكم يالشعآر تهجونه ..

مساء الخير ثم

إعتدلوا في كل شيء إلا في القهوة تمادو
(:

شيخـــة الغــيــد ,ناصر الهواوي معجبون بهذا

مع احترامي وتقديري لمن هم هنا=ممنون انا واتشكر للزميله رحيل
لو صار عن شكرها بالهجس ضعف ونا=الطيب الطيب اللي مبتدي بالجميل
لفعولها الطيبه من قبل سامك بنا=بنت اصل عن ما عليه مربيه ما تميل

ابو عبيد صح لساانك
وصح لسانتس شيوخه

شيخـــة الغــيــد ,ناصر الهواوي معجبون بهذا

الطير حوران الله يذكره بالخير ويسامحه سوسةٍ نخره ههههههههههههههههههههههههههههه
وان يالخيال ما تباعده ههههههههههههههههههههههههههههه
رحيل وش معنى بالقهوه فقط هههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
كن دقات الخفوق ليا ذكر ناسينه=رقص دلوعه بصوت الدنبكه غروها
تضرب الواح المنصه بالقدم واتهينه=بالعبارات الحماسيه لها جروها
وبعد شوي اكملها ان شاء الله

رحيل معجب بهذا

اسعد الله مساكم يالرواسي بكل خير ودام وجودكم اللي ماينمل
أبو عبيد صح الله لسانك على هالروائع
خيال صح ذوقك وتساليك الرائعه
شيخه صح لسانك يالغاليه
رحوله اجمل حضور لاعدمناك
المهره مايجي منك قصور يالغلا وجودك رائع دائماً

ناصر الهواوي ,شيخـــة الغــيــد معجبون بهذا