ودي انمنم معكم وودي انام=وخيرت هجسي بين قافه ونومه
ورمع لعيني ضوح من طيحة لثام=وارتج فكري ما اعرف ويش قومه
يعقل يصادر قلب في دين الاسلام=في ديرةٍ تدين به ومحكومه
ومن صادره نشي بخلخال وزمام=لوهو عقيد جيوش قوم مهظومه

ياهجس قل صح الله لسان من قال=وللواقعيه يالله انك تقديه
ما اوحي رعد رغم ان به مزن وخيال=حتى بروقه خلبت في مناشيه
تمثالنا رمزي ماهو باي تمثال=ولاهو بميدالية برونز نهديه
شاده بنات لحزبنا الحي وعيال=وحزيبكم ميت ولاحي ينعيه
انا باحد ما استفزع بكل الاحوال=عل الغزيل لارقدنا تناديه
ترسل رسايلنا بلا برج الارسال=يشيلها النسناس لا اجنب وتاتيه
ودلو ذباذب كانها طقت الجال=وجت فارغه قطرة ندى الجو تسقيه
ومكابرك ياريم انا اشوفه اهبال=من مات ماظنيت ذي عقل يرجيه