جزل الشعرياتي بلياك سامج=ذكرك ليا جا في ثناياه ملحه
وانا بتوصيفك مسوي برامج=ارضيك وازعل به وجيه كلحه
لاغبت عذبات الليالي تهامج=وينقد جيب الصبر ويهون شلحه
كتم الورد بالحيل يدعيه خامج=وللورد بالنسناس والنور فلحه

لو تذكر شهر شعبان قبل الذي مضى=يعني شهر شعبان القريب هذا حوله
ودرزن شهورٍ/ عام كامل قد انقضى=حسبها وشف كم فات واعطيك مدلوله
يفهم طولها قلبٍ تململ على لظى=ومن لا انكوى تضحك على اتفه نكت لوله
وش ظنك بعداد الليال ووش اتحظا=اطول منك قامه وانكمش بالجفا طوله
شكا الحر من رجله وطت جمرة الغضاء=ومن لا وطاها يشكي الحر وش هو له