ماضاع لك شي ياهجسي ترا ماضاع لك شي=انا الذي كل شيٍ لي مع الايام ضايع
ليا طرت لك طواريك القديمه قمت تنشي=من ما تجود القريحه به من ابياتٍ روايع
احيان ما يقدر ايجرك لبدع القاف ونشي=واحيان تقلط كما يقلط على المطعوم جايع
بينك وبين العقل مرات اقول الفاصل انشي=ويظهر لي ان المسافه بينك وبينه فضايع
لو الرشاوي تجيبه كان ابا استغفر وابا ارشي=ومن يملك العقل لو تغريه/له ماهوب بايع

احمس ودق البن واره البهاري=حتى يجي للزعفران ابه لمعه
وسقه لمن عقب البطا جاك ساري=شبل الطناي العاصفي زين سمعه
شاعر وله زندٍ بالابداع واري=لو يستمر اسبوع ويغيب جمعه