صح الله لسانك مالبى ملبون=ماذا يعد ابداع /يحسب زياده
ارحب تراحيب المطر وانتبك هون=بسوق الغزل مركزك تم اعتماده
قاضي قضاه وجانبك فيه مامون=وقصايدك به نعتبرها عياده
ليا طفح شبلك على رمش وعيون=وعلقت معلوقك بمعلوق غاده
وجرهد حنينه وامتلا الصدر بغبون=وآهات واستحليت طعم القراده
ولاعاد همك قول من هم يقولون=وجابك طفاقه عقب كثر الركاده
فاطلب من اللي يملك الكاف والنون=انه لك ايرد الهنا والسعاده

انا موتري شغال باروح لي مشوار=عسى الله يكلل بالنجاحات مشواري
لكن شفت ريم اتعد ودور الاعذار= لغيابنا الداري ومن لا بنا داري
ياريم الفلا اللي عايشه وسط بهو الدار=هذا ديدن اكثر ربعنا قبل الاسفاري
بعضهم ياذاكني هنيا يويق ونار=وبعضهم لسان احوالهم قول (وش كاري)
وانا زند هجسي كلما عن يقدح نار=تواشا لهبها ولفتت فيِّ الانظاري
رغم اني دريت وقد نهيت الشقي امرار=ما يتبع خطا المقفي ولا يزهم الساري