يامل قلبٍ كل مازان جوه =هبن عواصيف الهجر واخلفنه
ثم انكفن عنه بعد ماتشوه =وتسعين قطعه يالهواوي رمنه
باسباب منهو بالحشا شب ضوه =والحق عليها من ضلوعٍ هونه
وان شفتني يالعاصفي ماتفوه =لا تحسب ان امورنا مستكنه
اسكت واقول ان الليالي تتوه =وان الزمن لو دار تاليه جنه
مير الزمن ياصاحبي زاد سوه =وارهى علي بعكس ماكنت اضنه
مالي على الاقدار حيلٍ وقوه = مالي سوا الدعوات واللي اكنه

‏

إيه انا قلبي خضر والنخل لونه خضر=وكنت اظن العين تدمن على مابه خضار
وابتلت في خلط الالوان الابيض والحمر=كل شي الا المحاجر يخالطها سمار
ياعيون اللي ربا في شواهيق الحجر=من علو النايفه شاف له صيده وطار
وجيد ريمٍ روعت بالتفق حين انفجر=والردايف نابيه والحشا بالوصف غار
راويه مربوعة الطول زامية الصدر=اعتبر تركيز الانظار بالزول انتحار
لو تمر العاصمي حين فاض من العصر=ضاع ما يدري نحا البيت وينه واستدار

هاذي حلاة الحب يالخال لوه=ما يجرح المحنون قلبٍ يحنه
وجرحه حلو يالخال بالحيل لوه=يبرا قبل يعض الاصبع بسنه
وعضه للاصبع زين لكن لوه=ما يحمس بهجره كما حمس بنه
وحمسه يونس بعض الاحيان لوه=ما يكشف لشماتته ما يكنه
يالهجس لو القاف بالحيل لوه=وله اسرج الغوج المسمى وعنه
ما اعرف ضيقة خاطري من سلوه=ولا ادعي على اللي كل مافيِّ منّْه