ابا ارسل لرفحا من يدور لنا العواد=وللعاصمه مرسول يجذب خبر ريمه
ولهم للجبال البارده رجعه ومعواد=ديارٍ براد وجوها دايم امغيمه
عن الغامدي ننشد بعد غيبته ماعاد=وعن شاعرة نجد ولها بالسجن قيمه
وقرناس الحرار بنتفه صغيره ماجاد=وللجوهره بالمنتدا حشمه وشيمه
ومن محمدين اشوف ما زارنا رواد=وتمادا السجين بغيبته بعد تسليمه
خانات الالوف اشوفهن عودن آحاد=اكبر صيرفي يخسر ليا اعاد تقييمه
تقديمه وعود لبدء ياصادق الميعاد=عمود الكذب ياهوه ما يرفع الخيمه
شكت من كثر ما أعِن فيها حروف الضاد=وكم من يراع بالمداد ارتوت حِيمه
ورغم كل ما سويت مع قسوتك ما فاد =ركابك على عِد اسفه وطنش امقيمه
وانا اللي بفاسي شج راسي كِبر وعناد=حتى الورق قام ايلومني في ترانيمه

ياللي تبي حلو التسالي وانت سالي ما دريت=السجن قل لي ياعميل الخير وش قدمت له
بيطار سفوات اهد للي زايرينك كم بيت=اما اتجارا او نقول شعيل وش درهمت له
كم لي بقيفان الغزل وانا اتسلا ما سليت=من شان مريوش العيون اللي قعدت وقمت له
من الوناسه خالي الجعبه من الضيق امتليت=احوالنا مره تسر ومرتين امتلتله
والمشكله حاولت اغير مير مثله مالقيت=ومن قال وش علمك تبالغ في وصوفه قلت له
ذالي سنه وشهور كسرت التكاسي والونيت=كلما ذكر مثله ببلدان الجزيره رحت له
من باب جده غرَّب اليوكن الى شرقي حفيت=ومن الحديثه لا الطوال وفوق فيفا دجت له
القا شبه واللي يطابق بالحلايا ماهقيت=وعدت لمرابيه القديمه من بعد ما اشتقت له