يسمون صوت الورق من روعته هديل=وانا ما لقيت بصوت ورق النخل روعه
لهن لا اصبحن وامسن بليا سبب عويل=يتلن معاليق الشقي فيه من قوعه
يلج الفضا بنواحهن كلما امسى ليل=واثر الورق من مبطي على النوح مطبوعه
انا يالحمام الراعبي خافقي عليل=ونفسي من فراق المواليف ملقوعه
يجي له ذكر واحط لااطروه لي واشيل=وجفني رموشه تربص بوافر دموعه
يقولون صبرك والفرج بين ميل وميل=والملتاع بين اميالهم همه ايصوعه

يقول من في خاطره هنه وونه وارتباك=من حالةٍ ماهي غريبه قد تكبد مثلها
ياجو وش غبَّر بقاعك وش تلبد في سماك=قل للهبوب الصافيه تطرد غبارك قل لها
اوقل بعد ياوارد العد الروي اقصب رشاك=وحل المحَال اللي لها صوتٍ يشوِّق حلها
مادام كل العالم اقفت مثلهم عطني قفاك=تصرَف بعين العقل والعاطفيه خلها

اومور عاديه واومور اخرى تشد الانتباه=ودربٍ عدال ودرب لاحبيت تمشيه التوى
احسن نعم للي يجيب اللي دعا من قول هاه=وهذي وهذي يخرجن من فمك في زفرة هوى
صدرٍ حشاد وصدر دايم بالسعه ربه حباه=رحابته تضرب بها الامثال مابين الورى
لسان عي وواصلٍ بالعلم قمة منتهاه=وآخر فصيح وعذب بالمنطق ولوهو ما قرى(أ)
ابا انشدك ياقلب!هل مابالبشر شخصٍ سواه=هاللي يملك في لظا ناره وكنه مادرى
اللي يبيع برخص من في غالي السعر اشتراه=خسارةٍ تنزل من اجله دمعتك فوق الثرى
وش حيلةاللي هكذا وضعه وفي هذا ابتلاه=اجر الذي يهديه نصحه عند فلاق النوى