اضحك ولكن ما اعرف ويش انا اضحك منه=والضحكه ارحم من وجومٍ بليا اسبابيه
ياضيقةٍ بالصدر انا طالبك روحي عنه=لعل مذلافك يفك لرجانا بابيه
بالفال اخزم الياس وانحاه عني وارسنه=يرتاع من شوف الحبل من وطاله دابيه
ماعاد اطيق الصبر لي عنه ماقارب سنه=وان كان جاوزها عوت للفراق ذيابيه
من حين شفته يسمع فلان ويطاوع هنه=حتيت من رجواي للوصل مابجرابيه
اثر الجفا ينهك فواد المود ويوهنه=والانخداع امر والا القطيعه هابيه

الهوا اليوم يومي بالجريد=والسما منه ماهي صافيه
للعصافير لجه واتغريد=وموجة الورق معهن طافيه
بامر من يفعل اللي له يريد=نسأله رحمته والعافيه
ارسل ارسل بلا ساعي بريد=كلمة الوه ماهي كافيه
ياحلى الكون يالضبي الشريد=ضيقتي منك ماهي خافيه
ضمتني ضمت وهجوسي مريد=وفيِّ الاشواق سوت مافيه
لاتجي عون للحظ القريد=لا انفرا الصبر ماله رافيه

يارب ترزقني بمال وعافيه=السوق ابا افتح لي بمثناته محل
كلمة طمع مردوده ب(لا)نافيه=لاقيل وينك قلت انا عندي شغل
با اقلد لتجارنا المتعافيه=بالكذب ابا اقنعكم بلا كيفَ وهل