تكلم بمافي خاطرك يالغلا وانا اوعدك=لقول لصحيحك صح ومخالفه مالك لوى
لكن لاتحسب اني مثل خاتمٍ بصبع يدك=بفضاك الفسيح اتلوفني من يدك والعب هوى
اشوفك تتيح الفرصه لحاسديِّ وحاسدك=حتى صار في دربٍ يودي لحضرتك التوى
انت آحاد عدي كلما اعد وانا واحدك=لكن خانة العشرات واحادك بعدك سوى

ياجماعه حظ حاتم يوم مات مبكر=لو بقي لليوم مع مهره تلاشا صيته
قبلها باب الكرم في هالليال مسكر=وعاصفيتنا ببخل اخصامنا محييته
الرعد جوه بغى يصفي وصار معكر=والمدمر له سنه والعاصفه راميته

العيون لطاري النوم هشت وارمشت=والطواري وسط راس المغني طايشه
بالفكر عنت والاشواق معها قرقشت=غاليه مازالت بمنزلتها عايشه
ابتنت قبه بحدبٍ نحايف وفرشت=في تجاويفٍ لها في فودي شايشه
المشاعروجهت ناحيتها وارهشت=والرجاوي رغم كثر المنى متلاشيه
منغصات الحب بين الولايف قد فشت=وكل ما ينسب لعرقوب معها فاشيه