سجن القصيد الله يسعد صباحك=ويسعد ظهيرتك وعشيك واماسيك
اصبحت انا وامسيت ساكن جناحك=يعني نهار وليل متمددٍ فيك
لو همٍ ايلوح المعاليق لاحك=ان كان بانت للشوامت خوافيك
جاء للقطيعه رشرشات وتضاحك=ااشتم وهو رده عسى الله يهديك
غاليك ياقلبي طمع باجتياحك=اثبت وكافح لايقطع عراويك
ياذا الحمام اللي تجدد نياحك=زدني وانا بالنوح قررت اجاريك
تهناك طول الليل لذة مراحك=وحرِّم على جارك ايلين اذن الديك

خلوني بسجن الرواسي ليالي=كلبشه ارحم من كلبشات هذيك
وارهو عليٍّ من الحكا والتسالي=والكيف والبراد والببس والكيك
وقل للقريحه ياهجوسي تعالي=ابا اشحذ الهمه بالابيات واعطيك
بنات فكري ترجمة ماطارالي=وقالت من اجلك جيت شبيك لبيك
عساك ماتشكي من فراق غالي=بيَّن تحلحل وضعكم في قوافيك
تقل انخفظ منسوب ماكان عالي=وهي هكذا الدنا تبدل دواليك
وترا سبب قطع السلوك التعالي=وبرفق قل تكفى اتخفف تغليك
قلت الامر دحدر وياهملالي=يا....................... تبت ايديك

ياناصر عبيد وش عندك تناديني=هادر على حزبنا مدري وش السبه
تقول حزب الرعد يَعْجز يجاريني=أَسْبح وأجيب الدرر من قاعة الغبه
والمشكله فالبحر شفناه بالعيني=غرقان والموج يشتاله ويضربه
ياعود أنا بَنْصِحِك مادمت توحيني=برقٍ مجنِّبك كب امخايله كبه
وإن كان عَطشى وللهوشات ضاميني=اِعرف ترى حزبنا يِدْخِلْك في عِبه
ريِّح ضميرك وغن لكامل الزيني=اللي خذا القلب منك وقام يلعبه
وأنا أتفكَّر وأقول الله يعافيني=هو ليه في صاحِبِه ماخاف من ربه
قلنا اتركه قال أنا ماعاد يمديني=قلنا تحبه وقال ايوالله أحبه
أسهر على شانها والبين حاديني=لو تنعِس العين دَقة قلبي منبِّه
لمعاويه سِلْك يبقى بينه وبيني=لو كان نار الغضي فالقلب مشتبه
وأقفيت والعود من ضمن المساجيني=من دونه الباب بالمزلاج والضبه