صباح شمسٍ شارقه فيه الهبايب ساكنه=ان جت على منوالها هذا /الظهيره جت دفا
يامن خيوطه بالغلا في قلب خله ماكنه=اخبارك اللي مستجده من قراها قال افا
تسويف واضح والحقايق في علومك داكنه=ما اظن يوجد به تشابه للمقاطع والوفا
انا ادري انك للرصيد اللي تراكم راكنه=لكن ترا كل المشاعر قايله بس وكفا

ـياسجن مافيه احد يبغى يشاركنا=لكن ليا قلت قل صح الله لسانك
البيك في بزنسه والشيخ تاركنا=كلٍ يقول لرفيقه سدد اذانك
رحيل وانا و جعل الله يباركنا=ولا ادري متى ياهجوسي ينقضي شانك
قل ما تبي مابقي بالصدر ما يكنا=بين انتهي وانتمي هوشات ومحانك
الاغيد اللي بسلك الحب ماسكنا=شف خيل هجره تجول بوسط ميدانك
انخي المشاعر تقول الترف مالكنا=وامرب قلبك على لاماه وامدانك
العام تشيد في جوفك لها سكنا=ولا رحب اليوم بك وبويته وزانك