ياصباح الخير ياسجن القوافي كيفك=ياعسى جوك مشوق وكل وضعك عادي
ياهلا يامرحبا ياللي زغرني طيفك=العيون استيقضت له والتقاه فوادي
به نكد به تسليه والا انت ما اثقل حيفك=الوضع جداً خطر لاتحسب انه عادي
لك بسطت الشرح عن ماصار وانت بكيفك=كان وضعي ما يهمك فانت حادر وادي

الشاعر اللي كل ما مر يرمي كلمتين=والعشم به كل مره يجيب معلقه
ليه طنشنا حمد ياجماعه جمعتين=وحضرة الناقد تقول ان في سمعه صقه
ومن تهيظ الورق لامن نواح ولا ونين=ومن شهر ماشفت انا شمس ريمه مشرقه
وابو عامر حط في ذي عجين وذيك طين=والمدير اتقول شد وسكن في الغردقه
وين ابن عواد باين شباط ولا يبين=غيبة ابو سيف من غير سبه مقلقه
عن وضع نجلا ء نبي نسمع العلم اليقين=جعلها في كل خير وسعاده مغدقه
وابعث اب باقة ورد طائفي للحاضرين=لحظةٍ فيها تحرا مسير مرهقه